Х.Бадамсүрэн нь Улсын Их Хурлын 2008 оны сонгуульд Өмнөговь аймгийн 11-р тойргоос илт давуу саналаар Улсын Их Хурлын гишүүнээр сонгогдож, нутгийн ард олныхоо элч төлөөлөгч болсон билээ. УИХ-ын ууган чуулганаар Монгол Улсын Засгийн газрын 2008-2012 оны үйл ажиллагааны хөтөлбөр, Монгол улсын эдийн засаг, нийгмийг 2009 онд хөгжүүлэх үндсэн чиглэл, Монгол улсын 2009 оны төсөв, төрийн мөнгөний бодлого зэрэг чухал бичиг баримтууд, хуулийн төслүүдийг УИХ-аар хэлэлцэн батлалцсан.

Түүнчлэн Ашигт малтмалын тухай хуульд нэмэлт, өөрчлөлт оруулах тухай хуулийн төслийг болон эрдэс баялгийн салбарт төрөөс баримтлах бодлогын баримт бичиг, салбарын эрх зүйн орчинг боловсронгуй болгох, Таван толгойн нүүрс, Оюутолгойн зэс-алтны ордыг хамтарч ашиглах хөрөнгө оруулалтын гэрээнүүдийн төслийг УИХ-ын чуулганы хуралдаанаар хэлэлцүүлэх бэлтгэлийг хангах томоохон Ажлын хэсгийг ахлан амжилттай ажиллаж байгаагийг зэрэгцээ Монгол улсын Засгийн газраас Улсын Их Хуралд өргөн мэдүүлсэн Биеийн тамир, спортыг хөгжүүлэх талаар төрөөс баримтлах бодлого, Улсын Их Хурлын тогтоолын төслийг УИХ-ын чуулганы нэгдсэн болон Байнгын хорооны хуралдаанаар хэлэлцүүлэх бэлтгэл хангахаар Ажлын хэсгийг ахлан ажиллаж байна.

Тэрээр Монгол-Орос, Монгол-Казакстан, Монгол-Солонгосын парламентын бүлгэмийн сонгууль хүлээн амжилттай ажиллаж байна.

Геологи, уул уурхай, хүнд үйлдвэрийн салбарт түүний оруулсан хувь нэмэр их