-Намын удирдлагуудын зүгээс хариуцлагын тухай хөндөн ярьж байна. Үүнийг Ерөнхий сайдыг огцруулахаар хөдөлгөөн өрнүүлсэн гишүүдэд хариуцлага тооцох нь гэж хүмүүс хүлээж авлаа. Та хувьдаа юу гэж үзэж байна вэ?

-Би 1991 онд Ардын намд элсч, 20 гаруй жил энэ намд ажиллаж байна. Үе үеийн намын удирдлага, бага хурлуудыг мэднэ л дээ. Энэ байтугай л асуудал гарч, хурц ширүүн хуралддаг л юм.

Халуухан хурлуудад чанагдаж иржээ.

Нам л  болсон хойно, олон янзын үзэл бодолтой хүмүүс ажиллана шүү дээ. Тэд үзэл бодлоо илэрхийлж, нам шүүх нэгийгээ шүүж л байг. Харин МАН олонхын саналаа дагаж, нам болоод улс орныхоо эрх ашгийн төлөө шийдвэр гаргадаг. Биднийг яах нь намын хамт олны л шийдэх хэрэг.Олонх шийдэх биз.

-Тэгэхээр та нам биднийг шүүвэл шүүг л гэж байгаа юм уу?

-Бид болохгүй зүйлийг бол шүүмжилсэн хэвээрээ. Нийгэмд ядуурал газар авчихсан, төрийн өндөр албан тушаалтанд хариуцлага тооцож чаддаггүй гээд шүүмжлэх зүйл зөндөө. Харин биднийг МАН-ын удирдлагууд шүүх гэнэ, улс төрөөс шахах нь гэдэг бол худлаа. Тийм юм болохгүй. Бид намын дүрмийн хүрээнд л тоглолтоо хийсэн шүү дээ. Харин сонгууль дөхсөн энэ цаг үед манай нам улс төрийн зоригтой, шийдэмгий алхмуудыг хийх байх.