Ж.Батсуурь нь говь нутгийн хүн...
Хөдөө нутаг, тэр тусмаа говийн хатуу агаарт "бойжсон" тул амьдралыг нь "амьсгалж" чадна.

Нутгийнхаа хөрсөн дээр, ардынхаа дунд, өөрийн биеэр амьдарч, ажиллаж, оюун ухаан төдийгүй хөлс хөдөлмөрөө Дорноговь нутгийг хөгжүүлэхэд зориулж байсан туршлагыг нь бид сүүлийн найман жилийн турш аймгийн засаг даргын алба хашихдаа бүтээсэн түүхээс нь харж болно.

Мөн тэрбээр Чех болон Монгол улсын их сургуулиудад багш, захирлаар ажиллаж байсан гээд амьдралынхаа олон жилийг удирдах албанд  зориулсан нь түүний аливаад бусдыг манлайлж, амжилтанд өөрийгөө дайчилж чаддаг шуурхай, зоримог, зорилгодоо хүрч байж санаа амардаг бүтээлч, шаргуу чанартай нь уялдаатай учир бизээ.

Тиймээс алтан гадас, шилдэг удирдагч, шилдэг менежер, тэргүүний барилгачин, боловсролын тэргүүний ажилтан, тэргүүний сэхээтэн зэрэг шилдэг шагналыг хүртэж байсан бөгөөд хамгийн сүүлд Чех улсын Карл Кермений одон хүртсэн нь нэн хүндэтгэлтэй үйл явдал байсан юм.