УИХ-ын гишүүн, Аюулгүй байдал, гадаад бодлогын байнгын хорооны дарга Я.Батсуурь өнгөрсөн амралтын өдрүүдэд Говьсүмбэр аймгийн Сүмбэр, Шивээговь сумдад ажиллаж, иргэд сонгогчидтой уулзав. Уулзалтаар  УИХ-аас баталсан хууль, тогтоомж болон улс орны хөгжлийн асуудал, орон нутгийн хөгжил, хөрөнгө оруулалтын талаар ярьж танилцуулахын зэрэгцээ УИХ-ын хаврын чуулганаар хэлэлцэх хууль, тогтоомжуудын талаар мэдээлж иргэдийн тавьсан асуултад дэлгэрэнгүй хариулж, тэдний санал хүсэлтийг хүлээн авав.

Уулзалтын үеэр сумдын иргэд Чойрын эдийн засгийн чөлөөт бүс “Шинэ Шивээ” ХХК, ундны усны асуудал, хүний хөгжил сан, таван толгой, хувьцаа, жижиг, дунд үйлдвэрийн зээл зэрэг асуултуудыг түлхүү тавьж, мөн цөмийн хаягдлыг Монголд булах талаар гишүүнээс тодруулж, дэлгэрэнгүй хариулт авав.

Түүнчлэн Я.Батсуурь гишүүн дээрх сумдад хэрэгжүүлж буй төслүүдийн ажил байдалтай танилцав.

Говьсүмбэр аймгийн Шивээговь сумын иргэд, сонгогчидтой хийсэн уулзалт

Говьсүмбэр аймгийн Сүмбэр сумын иргэд, сонгогчидтой уулзав.