УИХ-ын гишүүн, Аюулгүй байдал, гадаад бодлогын байнгын хорооны дарга Я.Батсуурь Ардчилсан Үндсэн хууль батлагдсаны 20 жилийн ойн арга хэмжээнд оролцож буй Дорноговь аймгаас сонгогдсон Ардын Их Хурлын депутатуудыг хүлээн авч, хүндэтгэл үзүүлэв.

Уулзалтад Аймгийн Иргэдийн төлөөлөгчдийн хурлын дарга Г.Ганбаатар, Аймгийн Засаг даргаар ажиллаж байсан Мижид, Л.Одончимэд, Л.Ишдорж нар болон тухайн үед тус аймагт төрийн гол албан тушаал хашиж байсан олны танил нэр хүндтэй 15 депутат оролцов. Тэд улс орны болон орон нутгийн хөгжлийн чухал асуудлуудаар ярилцаж санал солилцов.