МоАХ

МоАХ хуралдаж байна

МоАХ-ны IY их хурал өнөөдөр “UB Palace”-д болж байна. Түүнд нийслэл, орон нутгийг төлөөлсөн 3800 төлөөлөгч оролцож байгаа юм. Их хурлыг нээж, УИХ-ын гишүүн, МоАХ-ны тэргүүн Х.Баттулга үг хэллээ.

Тэрбээр Монголын улс төрийн байдал, авилга хээл хахууль, хэвлэлийн эрх чөлөөг олон улсын байдалтай харьцуулсан судалгааг танилцуулсан юм. Мөн ард түмнээ, үр хүүхдээ гадаадын уул уурхайн эздийн барлаг зарц болгохгүйн төлөө санаа тавих ёстой гээд шинэ үе шинэ нийгмийг шинэ бүтээн байгуулалтаар цогцлооход тэрбээр уриаллаа. Хэлсэн үгийг үзэх бол ЭНД дарна уу.


Дэлгэрэнгүй...

МоАХ ахмадуудаа хүндэтгэн золгов

Ардчиллын анхдагчид жил бүрийн шинийн гурванд хэн нэгний урилга заллагагүйгээр Ардчиллын ордондоо цуглардаг уламжлалтай. Энэ л уламжлалаар МоАХ-ныхон энэ жил ч цугларч бие биесээ хүндэтгэн золгож бэлэгтэй сайхан үгсийг хуучлан сар шинийн золголтоо эхэллээ. Ахмад буурлуудаа хүндэтгэн золгох үеэр МоАХ-ны дарга Х.Баттулга “Жил ирэх тусам золголт улам өргөн болж байна. Манай холбоо жил бүр ахмадуудаа хүлээн авч золгодог уламжлалтай. Хорин хэдэн насны залуус 1990 онд хувьсгал хийсэн, одоо тэд маань 50 нас руу дөхөж бүгдээрээ л ахмаддаа орж байна шүү дээ. МоАХ-ны дөрөвдүгээр их хурлыг өнгөрсөн 18-нд хийж Сонгуулийн хувьсгалд, зөв сонголт хийхэд уриалсан. Тэгэхээр ирж буй луу жилийн хувьд Архидалт, авлига, хууль бус зүйлүүдтэй тэмцсэн сайн сайхан амьдралын замыг сонгох жил байх болов уу” гэж хэллээ. МоАХ-ны энэ жилийн золголтод тус холбооны ахмадууд, ардчиллын партизанууд, Нийслэлийн Ардчилсан намын дарга Ш.Түвдэндорж, Сонгогчдын боловсрол төвийн тэргүүн Р.Бурмаа, УИХ-ын гишүүн асан Б.Мөнхтуяа, ОССК-ын дэд захирал Дарь.Сүхбаатар, Монгол Улсын Ерөнхийлөгчийн гадаад бодлогын зөвлөх Пүрэвсүрэн нар оролцлоо.




Дэлгэрэнгүй...

МоАХ-ны 4-р Их хурлаас гаргасан уриалга

-УРИАЛГА-

Монголчууд аа!  Өвөг дээдсийн суу заль,  халуун амь, бүлээн цусаа урсган байж өвлүүлэн үлдээсэн төр улс, үндэсний тусгаар тогтнол, 1989-1990 оны Цагаан морин жилийн хувьсгалаар бидний тэмцэн байж олсон эрх чөлөө, шударга ёс, ардчилал маань алдагдаж,  ард иргэдэд худал амлан байж төрд сонгогдон мэдээлэлд, эрх мэдэлд ойр очсон байдлаа ашиглан язартлаа баяжсан төрөөс төрсөн тэрбумтнууд гадаадын асар их мөнгөөр дамжин орж ирж буй сонирхол, бодлогын тоглоом, гар хөл болон хувирч байна.

Өнөөдөр улс төр, эдийн засагт зарчим, үзэл баримтлал, шударга өрсөлдөөн алга болж нам дамнасан бүлэгүүдийн тохиролцоо, тэдний мөнгөний шуналаар төрийн бодлого тодорхойлогдож байна. Эх орноо хөгжүүлэх, ард иргэдийнхээ амьдарлыг дээшлүүлэх аливаа санал санаачлага бүхэн эсэргүүцэлтэй тулгарч, ямар ч үнээр хамаагүй баяжих дон шүгэлсэн авилгачид, луйварчид, пост-коммунистууд улс орны эрх мэдлийг атгаж гадна дотны олигархиудын заавраар утсан хүүхэлдэй мэт хөдөлж байна.

Шинэ нийгмийг хуучин хүчнээр удирдуулж, өөрчилж,  хөгжүүлж болдоггүйг Монголын нийгэмд нүүрлээд байгаа дампуурал, ядуурал, гуйланчлал, ажилгүйдэл, архидалт, авилга хээл хахуулийн өсөлт, хөгжлийн мухардалт харуулж байна.

Учир иймд МоАХ эх орондоо эрх зүйт төртэй, шударга ёсыг хэм хэмжээгээ болгосон хүмүүнлэг ардчилсан, иргэний нийгмийг жинхэнэ ёсоор цогцлоох ариун тэмцэлд дахин босч нэгдэн нягтрахыг Монголын ард түмэндээ уриалж байна.

Монгол хүн улсынхаа жинхэнэ эзэн нь байж, баялгаа хэнээс ч асуухгүйгээр олборлон, эзэмшиж, хуваарилаж үр шимийг нь бодитойгоор хүртдэг байх тэр сайхан боломжийг хуульчилан, ардчилал, эрх чөлөө, шударга ёсыг амьдралын наад захын хэм хэмжээ болгон, Ардчилсан Үндсэн хуулийн заалт бүрийг гуйвалтгүй даган мөрдөж Монгол орныхоо тусгаар тогтнол, үсрэнгүй хөгжил дэвшил, сайн сайхан тайван амьдралын төлөө тэмцэцгээе! Өнгөн дээрээ ард түмний талд мэт шударга царайлсан цаагуураа амин хувь, явцуу бүлгийнхээ төлөө үхэн зүтгэдэг цөөн хэдэн луйварчдыг сонгуулийн замаар төрөөс зайлуулцгаая.

Монголчууд аа! Та бүхнийг “Сонгуулийн хувьсгал”-д  уриалж байна.

 

МОНГОЛЫН АРДЧИЛСАН ХОЛБООНЫ IV ИХ ХУРЛЫН ТӨЛӨӨЛӨГЧИД

Дэлгэрэнгүй...

Тусгаар тогтнол одонгоор Монголын бурхан шашны тэргүүн Богд Жавзандамба хутагтыг шагнав

Дэлгэрэнгүй...

Ардчиллын партизанууд байртай боллоо

Өнөөдөр Монгол Улсад Ардчилсан хувьсгал үүсч хөгжсөний 22 жилийн ой, МоАХ-ны 22 жилийн ойн өдөр тохиож байна. Ойн баярын арга хэмжээ бүтэн өдөр үргэлжилж байгаа бөгөөд ардчиллын анхдагчид, МоАХ-ныхон С.Зориг агсны хөшөө, Чингисийн хөшөөнд цэцэг өргөж хүндэтгэл үзүүллээ. Ойн баярын хурал, хүндэтгэлийн концерт Соёлын төв өргөөнд болж Төрийн одон медаль гардуулж, мөн оны шагналтнуудыг тодрууллаа.

Ардчилсан хувьсгалын ойгоор оны шагналтнуудыг тодруулж, байр өгдөг уламжлалтай. Энэ уламжлалаар өнөөдөр 22 хүнд орон сууцны эрхийн бичиг гардууллаа. УИХ-ын гишүүн, Зам тээвэр, барилга хот байгуулалтын сайд, МоАХ-ны дарга Х.Баттулга хувиасаа жил бүрийн оны шагналтнуудад байр олгодог уламжлалтай. Ингэхдээ гол төлөв ардчиллын партизануудад байр олгодог юм. Дээрх арга хэмжээний үеэр сайд Х.Баттулга “ МоАХ-оо ард түмнийхээ итгэлийг дааж үсрэнгүй хөгжилд улсаа хөтлөж чадна. Бид ойрын дөрвөн  жилийн дотор монгол морины харайлтаар хөгжингүй ертөнцийг гүйцэж “Монголын гайхамшиг”-ийн тухай шагшин ярихаар эрчимтэй ажиллаж чадна. Бидэнд тийм бололцоо, чадвар бий. Бид “Дотоодын нийт бүтээгдэхүүн төдөн хувиар өслөө” гэсэн хоосон тооны төлөө бус нийгмийн баялаг ард түмэнд тэдний хөлс хүчээр дамжин бодитой хуваарилагдах, монгол хүний хөгжил эрүүл мэнд, боловсрол, орлого гээд бүхий л үзүүлэлтээрээ дэлхийд дээгүүрт бичигдэх тэр цагийг хурдлуулахын төлөө бүх хүч чадлаараа ажиллах болно. Эрчимтэй, өрнүүн хөгжлийн зам дээр улс орноо гаргаж, ард түмнээ ажилтай, орлоготой, амгалан амтьралтай болгохын төлөө нэгдэн нягтарцгаая. Ардчилагчдаа, журмын нөхдөө! Ирмүүн хөгжлийг авчрах их тулаанд эрслэн орцгооё” гэлээ. Дараах эрхмүүд байрны эзэд боллоо.

Д.Аззаяа
Б.Батцэцэг
Р.Төмөрбаатар
Г.Алтанцэцэг
Х.Өлзийтогтох
Т.Оюунчимэг
Ш.Чойжил
Д.Пүрэвдорж
Л.Дэлхийцэцэг
Д.Батлхүндэн
Д.Үржинбадам
Б.Чилгэр
Б.Хишигбат
Х.Галбадрах
Р.Чогжмаа
С.Сайнбаяр
Л.Пүрэв
Ц.Цэцэгээ
Г.Оюунгэрэл
Л.Түмэнтуул
Пүрэв
Д.Дагирмаа
Дэлгэрэнгүй...

140 партизан энгэрээ мялаалаа

Ардчиллын ордон өчигдөр хүний хөл, цэцгийн баглаанд дарагдаж өнжлөө. Тэртээ 20 жилийн өмнөөс ардчиллын төлөөх үйл хэрэгт зүтгэж ирсэн МоАХ-ны гишүүн 140 партизан улс орондоо хийж бүтээсэн ажил хөдөлмөрөө энэ өдөр үнэлүүлэн, Төрийн одон, медалиар энгэрээ мялаасан юм.Монгол оронд олон намын тогтолцоо бүхий анхны ардчилсан сонгууль болсны 20 жилийн ойг тохиолдуулан партизануудад шагналын хур буулгасан нь энэ юм. Ерөнхийлөгчийн зарлигаар Хөдөлмөрийн гавьяаны улаан тугийн одонгоор нийслэлийн дүүрэг тус бүрээс нэг хүнийг шагнасан бол 29 хүнд Алтангадас одон, 77 хүнд Хөдөлмөрийнхүндэт медаль хүртээжээ.

Төрийн одон, медаль хүртсэн партизанууд ардчиллын төлөөх үйл хэрэгт зүтгэхийн зэрэгцээ батлан хамгаалах, боловсрол, эрүүл мэнд, хөдөө аж ахуй, соёл урлаг, хэвлэл мэдээлэл, төр захиргааны байгууллага гээд өөр өөрсдийн салбартаа өндөр амжилт гарган ажилласныг төр ийн үнэллээ.

Тэдэнд шагналыг нь МоАХ-ны дарга Х.Баттулга, дэд дарга Ш.Түвдэндорж болон удирдах зөвлөлийн гишүүд гардуулан өгсөн.

Хөдөлмөр бүтээлээ үнэлүүлэн, төрийн өндөр шагнал хүртсэн зарим ахмад партизаны сэтгэгдлээс хуваалцлаа. Тэд 20 жилийн өмнө гар бие оролцон байгуулж явсан ардчилсан нийгмийн өнөөгийн дүр төрхийг хэрхэн дүгнэдгээ ч хэлсэн юм6

Р.Цэнд-Аюуш:

Би хими биологийн багш мэргэжилтэй. Сургууль,боловсролын байгууллагад олон жил удирдах алба хашижявлаа. Дунд сургуулийн багш, захирлаас эхлээд Ардынболовсролын хэлтсийн анхны эмэгтэй даргаар ажиллажбайсан. Багш хүний хувьд, хүүхдүүдийнхээ ирээдүй,нийгмийнхээ сайн сайхны төлөө 1989 оноос хойшардчиллын төлөө зүтгэж явна. Хүн гэдэг зөвхөн өөртногдсон ажлаа л хийгээд явах биш бас нийгэм, улсорныхоо төлөө иргэн хүний хувьд хувь нэмрээ оруулахёстой. Тийм ч учраас хөдөлмөрлөх чадалтай байгаа үедээардчиллын төлөө ажиллана гэж боддог. Энэ сэтгэл,зүтгэлийг минь үнэлж Хөдөлмөрийн хүндэт медалиаршагнасан төрдөө, МоАХ-доо баярлаж байна.

Ш.Жаргалсайхан

Би жолооч хүн. Жолоо мушгихын хажуугаар 20 жил ардчилалд зүтгэлээ. Өөрийн гар бие оролцож байгуулсан одоогийн ардчилсан нийгэмд сэтгэл дүүрэн байдаггүй ч удахгүй жам ёсоороо хөгжинө гэдэгт итгэлтэй байдаг. Хэрэв өнгөрсөн сонгууль бүрээр ардчилал ялсан бол өнөөдөр арай л өөр байх байсан болов уу гэж боддог юм.

Б.Батмөнх:

...Улсад 32 жил ажилласан хөдөлмөр зүтгэлийг минь үнэлж, төрийн хайр хишиг хүртээсэнд тун их баярлаж байна. Ах нь тэтгэвэрт гарсан ч гэлээ МоАХ-ыхоо Сонгинохайрхан дүүргийн ЁС зүйн хороон даргаар ажиллаж, хамт олонтойгоо ардчиллын төлөө зүтгэж л явна. 1990 оноос хойш ардчиллын анхны партизануудын нэг болж яваагийн хувьд хэлэхэд бидний хүсч мөрөөдөж явсан ардчилал маань иргэний нийгэм талдаа бүрэн гүйцэд хөгжиж чадаагүй байгаа учир одоо ч бидэнд хийх ажил их байна. Дэлгэрэнгүй...

МоАХ партизанууддаа байр олгов

Ардчилсан хувьсгалын 20 жилийн ойг жилийн турш тэмдэглэнэ гэж төлөвлөсөн. Тэр дагуу МоАХ-ныхон ардчилсан хувьсгалын үйл хэрэгт оролцож явсан анхны гишүүддээ байр олгов. Эхний ээлжинд өчигдөр 10 байрны түлхүүрийг эздэд нь гардуулсан юм.

Энэ үеэр МоАХ-ны дэд дарга Ш.Түвдэндорж "Ардчилсан нийгмийг байгуулах өөрчлөлт шинэчлэлтийн төлөө залуу насандаа эр зориг гарган оролцсон гишүүдийнхээ амьдрал ахуйг нь бид харж үзэх ёстой. Энэ үеэр хувьсгалд оролцсон анхны гишүүдийн зарим нь хувь заяаны эрхээр хөгжлийн бэрхшээлтэй болж, амьдрал ахуй нь муу байна. Ийм үед нь бид нөхдөдөө туслах учиртай.

Тиймээс ойн өдрүүдийн хүрээнд тэдэнд нэг өрөө байр өгч, амьдралд нь томоохон хөрөнгө оруулалт хийж байгаа юм. Бид жил бүр 1-2 байр гишүүддээ өгч ирсэн. Ардчилсан хувьсгалд оролцож байгаад хорвоогийн мөнх бусыг үзүүлсэн нөхдийнхөө ар гэрийнхэнд байр нөхөн олгож байна" гэв.Монголын Ардчилсан холбооны "өндөр ээж" хэмээгдэх болсон Т.Норжин гуай байрныхаа түлхүүрийг гардаж авахдаа "Ардчиллын буян хэмжээлшгүй их юм. Чөлөөт нийгмийг цогцлоон бүтээхэд оролцож явсандаа туйлын их баяртай байдаг.

1989 оноос өдийг хүртэл холбооныхоо ажилд оролцож явна. Цаашдаа ардчилал бидэнд аз жаргал авчирна. Гагцхүү хүн бүхэн эх орноо гэсэн чин сэтгэлтэй байх хэрэгтэй" гэж сургамжилж байв. МоАХ-ны партизануудын нэг Д. Алтанпүрэв гуай 61 настай ч өнөөг хүртэл холбоондоо хүчин зүтгэсээр байна. Тэрбээр "Хааяа ажилдаа шантрах үе гардаг ч хамт олонтойгоо ажиллах сайхан. Тэтгэвэртээ гарсан ч цагаан байрандаа үйлчлэгчийнхээ ажлыг хийж байна. Х.Баттулга сайддаа үнэхээр их баярлалаа. Хамт олныхоо нийгмийн асуудлыг шийдвэрлэж өгч байгаа нь манай холбоо сайн ажиллаж байгаагийн илрэл юм" хэмээн баярласан сэтгэлээ илэрхийлж байлаа. МоАХ партизанууддаа шинэ байрыг нь гал тогооны тавилгатай хамт гардуулсан юм.

С.БАТЗАЯА Дэлгэрэнгүй...

Тэмцэж олсон эрх чөлөө, ардчиллаа хамгаалахыг уриалж байна

Зарим нэг төрийн бус байгууллагаас үндсэн хуулийн бус аргаар төрийн эрхийг булаан авахыг илэрхий санаархаж, олон нийтийг турхирч байгаатай холбогдуулан МоАХ байр сууриа илэрхийлж байна. Сүүлийн үед зарим нам, төрийн бус байгууллагууд “хувьсгал” хийхийг уриалах боллоо. Хувьсгал гэдэгт дэлхий даяар нэг л зүйлийг ойлгодог. Нийгмийн тогтолцоог үндсээр нь өөрчилж, шинэ нийгмийн байгууллыг сонгохыг л хувьсгалт өөрчлөлт хэмээн үздэг.

Тэгвэл Монголын ард түмэн коммунист дарангуйллын тогтолцоог өөрчлөх, нээлттэй ардчилсан нийгэмд шилжих хувьсгалаа 1990 онд хийсэн бөгөөд энэ сонголтоосоо хэзээ ч ухрахгүй. Ертөнц дахинд өнөөдөр нийгмийн байгууллын хоёр л тогтолцоо байгаа. Нээлттэй ардчилсан нийгэм, дангаар ноёрхох-тоталитар дарангуйллын систем. Монголчууд эхний замыг сонгоод 20 жилтэйгээ золгож, энэ жилийн турш ардчиллынхаа ололт амжилтыг дүгнэн ярилцаж, тэмдэглэж байгаа. Тийм учраас ахин хувьсгал хийх тухай яриа бол биднийг сонгосон замаас минь гаргах оролдлогоос өөр юу ч бишээ.

Ахин хувьсгал хийхийг уриалагчид биднийг энэ замаас гаргаж, коммунист дэглэмд буцаах “хувьсгал” гэгчийг хийх гэж байгаа бол “санасны гарз, монголчууд 20 настай залуу ардчиллаа тууштай хамгаалах болно” гэдгийг ардчиллын төлөө тэмцэж, босгож ирсэн мянга мянган гишүүд, дэмжигчдийнхээ нэрийн өмнөөс хариуцлагатайгаар мэдэгдэж байна.

Коммунизм руу буцах цөөнхийн санаархлыг Үндэсний шинэ намын удирдах зөвлөлийн гишүүн Батцогт гэгч ил тод илэрхийлж “коммунизмын үед сайхан байсан. Тийшээгээ буцахсан” хэмээн санааширч байна. Түүнийг дагаж далдаганагчид нь “тэр үед л жинхэнэ төр байсан” хэмээн дэмийрч байгаагаас бид тэдний бусармаг санаархлыг улам тодорхой ойлгож болно. Тэдэнд хандан МоАХ хатуу мэдэгдэж байна. Монголчууд бидэнд буцах зам байхгүй. Ардчиллаас ухрах эрх байхгүй.

Монголын Ардчилсан Холбоо ардчиллын төлөөх тэмцэлдээ хүч хэрэглэх, үндсэн хуулийн бус арга замаар засгийн эрхийг булаах оролдлогыг ямагт үгүйсгэж, бүх нийтийн чөлөөт, ардчилсан сонгуулиар л засгийн эрх тайван замаар шилжих зарчмыг хатуу баримтапдаг. Үүнээс хэзээ ч ухрахгүй. Чөлөөт сонгуулиар ард түмний дэмжлэгийг авч, тэднээс хууль тогтоох, эрх барих мандат авч чадаагүйдээ бачимдаж, хорсол өвөртөлсөн цөөн тооны хүн нийгмийн зарим бүлгийнхний зовлон зүдгүүр, сэтгэхүйд тулгуурлан монгол орныг ардчилсан замаас гаргах гэж байгаа бол бүтэхгүй. “Ард түмэн” гэж чангаар бархирагчид, ард түмний нэр баригчдын цаана цаг үргэлж атгаг санаа, бусармаг үйл нуугдаж байдгийг монголчууд сайн мэднэ.

Нийгэмд байгаа аливаа зөрчил дутагдалтай Үндсэн хуулийн хүрээнд тэмцэх, эрх баригчдыг амлалтаа биелүүлэхэд шахэх, хууль зөрчсөн аливаа үйлдэлтэй эвлэршгүйгээр тэмцэх нь манай нийгмийн иргэн бүрийн үүрэг гэж МоАХ үздэг. Ийм тэмцэлд бид иргэний хөдөлгөөн, улс төрийн байгууллагуудтай хамтран ажиллаж, нэгдэн тэмцэж ирсэн, Цаашид ч тэмцэнэ. Бид аливаа тэмцлийг гудамжны байдлаар өрнүүлэх, шийдвэрлэхийн эсрэг байдаг. Бидэнд ширээний ард сууж, хуулийн хүрээнд парламент дотор асуудлаа шийдвэрлэх бүрэн эрх, боломж нээлттэй байгааг үргэлж санаж явахыг нийт хүмүүст уриалж байна. Тэгээд ч цус урсган байж шийдвэрлэх хурцадсан асуудал Монголын нийгэмд алга гэдэгтэй бид санал нийлдэг.

Аливаа асуудлыг цус урсгах, хүчирхийллийн арга замаар шийдвэрлэхийг уриалж, цусан тангараг өргөх зэргээр сүржигнэж, хийрхэж байгаа, өөрсдийнхөө атгаг санаа, явуургүй арга барилыг нийгмийн бухимдлыг өдөөх замаар хэрэгжүүлэхийг хүсч байгаа төрийн бус байгууллагуудтай бидний зам, үзэл бодол нийлэхгүй. Энэ бүхний цаана улс төрийн өс хонзон өвөртөлж нийгэмд тогтворгүй байдал үүсгэх замаар Засгийн эрхийг авахыг хүсэгчид байгааг сайн ялгаж харах хэрэгтэй. Долдугаар сарын 1-ний аймшигт, гутамшигт өдөр ахин давтагдаж, хүний амь нас хохирч, хүний эрх зөрчигдөх явдал гаарахыг бид хүсэхгүй байна.

Үндсэн хуулийн бус аргаар, сонгуулийн бус замаар Засгийн эрхийг булаан авах гэсэн аливаа оролдлогыг тас цохиж, тэмцэж олсон эрх чөлөө, ардчиллаа өмгөөлөн хамгаалах, батжуулахыг Монголын нийт аодчипсан үзэлтнүүдэд МоАХ уриалж байна. Бусармаг этгээдүүдийн хөөргөн үйлдлийг дэмжихгүй, дэвэргэхгүй байснаар л бид ардчиллаа хамгаалж чадна. Ардчилал нээлттэй нийгмийн төлөөх Монголын ард түмний замналыг хэн ч ухрааж чадахгүй.

Монголын ард түмэн ардчилалдаа хайртай, ардчиллаа хамгаална. Ардчилал мандан бадартугай!

Дэлгэрэнгүй...

Монголын Ардчилсан холбоо хоёр дахь хувьсгалаа эхэллээ

Монголын Ардчилсан холбооны баярын хурлын нээлтэд хэлсэн үгэн-дээ тус холбооны тэргүүн X.Баттулга ийнхүү зарлав. Тэрээр "Монгол Улсын Ерөнхийлөгч Ц.Элбэгдорж Ардчилсан хувьсгалын хоёр дахь үе шат нь үйлдвэржүүлэлтийн хувьсгал байх болно гэж хэлсэн. Одоо бид Ардчилсан Монголын үйлдвэржүүлэлтийн хувьсгалын төлөө хамтдаа тэмцэх болно" хэмээн мэдэгдэв. Соёлын төв өргөөнд болсон МоАХ-ны баярын ёслолд 1990 оны партизанууд гэгддэг хот, хөдөөгийн анхдагчид цуглажээ. Олон жил уулзаагүй тэд бие биетэйгээ тэврэлдэн, доголон нулимс унагах нь харагдана. Амьдралынхаа залуу халуун насыг Монголын ардчиллын төлөө зориулсан тэд өнгөрсөн хугацаанд өөрсдийн байгуулсан гавьяаг бус аанай л өнөөгийн болох, болохгүйг дүгнэн ярилцах нь сонин. Өчигдрийг МоАХ-ын шагналын хур буусан өдөр гэж болно. Бүтэн жил тойрон тэмдэглэх ардчиллын ойн баярын ажиллагааны нээлтэд шагнал гардуулах ажиллагаа цаг шахам үргэлжилсэн боловч амжсангүй, Монгол кино үйлдвэрийн бүтээсэн ардчиллын хорин жилийн түухийг ямар ч чи мэггүй өгүүлсэн баримтат киноны дараа ч үргэлжлэв. Түүгээр ч зогсохгүй баярын концертын дундуур шагнал гардуулав.

МоАХ-ны дарга Х.Баттулга тус холбооны оны шагнал болох "Хүний эрхийн төлөө оны шагнал"-ыг өмнөх жилүүд шиг хоёр хүнд биш энэ удаад хорин хүнд гардуулах болсноо зарлав. Энэ нь партизануудын цөсийг хөөргөж, хэн нэг нь танхимаас "Шагнал нь юу юм бэ" гэж хашгирав. Хариуд нь МоАХ-ны дарга "Нэг өрөө байр" гэхэд танхим тэр чигээрээ уухайлав.

Үүнтэй ижил явдлыг Америкийн телевизийн нэвтрүүлэгч Опра Уинфри урьд нь үзүүлж байсан юм. Тэрээв нэг удаа азтан тодруулдаг нэвтрүүлгийнхээ үеэр есөн хүнд машин гардуулж байсан аж. Шагналд нэр дэвшигчид бүгд ерэн оноос хойш өнөөг хүртэл тэмцэгчид ба зарим нь тэргэнцэртэй ирсэн байв. Шагнал гардуулах үеэр МоАХ-ны дэд дарга партизануудыг хочоор нь дуудаж байсан ба түүний хошигносноор албан ёсны нэрээр дуудвал хэн гэдгийг партизанууд бараг мэдэхгүй гэнэ. Төрийн дээд шагналд Буян Жагаа, Бошигт нарын партизанууд багтсан бол нэг өрөө байрны шагналд Үр Ганболд, менежер Гамбаа, Тэнгэр Цолмон нар хамрагдав.

Дэлгэрэнгүй...

Ардчилсан хувьсгал 20 нас хүрлээ

Монголын Ардчилсан холбооны удирдах зөвлөл өчигдөр хуралдаж ардчилсан хувьсгалын 20 жилийн ойн баяраа хэрхэн тэмдэглэх тухайгаа хэлэлцлээ. Тус хуралд МоАХ-ны дарга Х.Баттулга болон 21 аймаг, есөн дүүргийн Ардчилсан холбооны дарга нар оролцсон бөгөөд ойн баяраа улс орон даяар хийн өнгөрүүлэх тухай зөвлөлдөв.

Ардчилсан Ерөнхийлөгчтэй болоод удаагүй байгаа Монголчуудад ардчилал ялсанаас хойших 20 жил төдийлөн амаргүй байсан. Тиймээс МоАХ-ны дарга Х.Баттулга түүхэн эх сурвалжуудыг иргэдэд таниулан сурталчилах ажилд гишүүд, дэмжигчдээ хамруулж идэвхийлэн оролцохыг орон нутаг, дүүргүүдийн дарга нартаа онцлон захив. Дэлгэрэнгүй...

Ардчиллаар амьсгалсан өдрүүд

Монгол оронд Ардчилсан хөдөлгөөн үүсч хөгжсөний болон Монголын Ардчилсан холбоо (МоАХ) байгуулагдсаны 17 жилийн ойн баярын арга хэмжээ өчигдөр өглөө эрт МоАХ-ны III Их хурпын төлөөлөгчид Сүхбаатарын талбайд Чингэсийн хөшөөнд цэцэг өргөснөөр эхэлсэн юм. Дараа нь 10.00 цагт эхэлсэн Их хуралд хот, хөдөөгийн 800 төлөөлөгч оролцлоо. Тэдний дундаж нас 50 байна гэснээс үзэхэд хэдийгээр Монголын ардчиллын өлгий байгууллага МоАХ эрийн цээнд хүрч байгаа ч гишүүд нь хөгширчээ, аргагүй хэмээн санаа алдах хүмүүс олон байв. Гэвч тэднийг хурлын индэр дэх "Эрх чөлөө ус агаар мэт оршихуй дор эхлүүлэн тунхаглагч таны сэтгэл үл цуцмой" гэсэн уриа урам зориг өгч байв.
Их хурлын индэрт МоАХ-ны дарга, УИХ-ын гишүүн Х.Баттулга, "Иргэний альянс" төвийн тэргүүн, хатагтай Ж.Занаа, АН-ын ХЭГ-ын дарга Ш.Түвдэндорж нар сууж хурлыг нээн удирдсан юм. Ерөнхий сайд асан Д.Бямбасүрэн, АН-ын дарга Ц.Элбэгдорж, гавьяат хуульч Б.Чимид, МАХН-ын ерөнхий нарийн бичгийн дарга С.Баяр, нийтлэлч Баабар, ИЗН-ын дарга С.Оюун нарын олон хүн үг хэлсэн. Танхимд гавьяат жүжигчин Б.Дамчаа, тухайн үед МАХН-ын дарга байсан Г.Очирбат нарын олны танил хүмүүс ч харагдлаа. МоАХ-ны дарга Х.Баттулга хэлсэн үгэндээ, бидний зорьж, тэмцэж явсан зүйлийн ихэнх нь бүтсэн боловч ардчилал зөвхөн хэлбэр, төрхөөрөө бий болжээ. Монголын ардчилал эргэлзээтэй хэвээрээ байгаа учир тайвшрах болоогүй, хийх ажил, өөрчлөх зүйл их байна. Ахин сэрэх цаг болсон. Олон нийт ардчиллын амтыг улам бүр мэдэрч, үүнийг Үндсэн хуулиараа тунхагласан хэдий ч нөгөө тунхагласан "Ардчилсан хүмүүнлэг нийгэм" нь бүдгэрч байгаа учир жинхэнэ ардчилал яагаа ч үгүй байна. Ардчиллын үнэлэмжээрээ бид Азидаа тэргүүлдэг хэмээн бардамнах нь хоосон зүйл болох шахаж байна хэмээн сануулах, анхааруулахыг хослуулан хэлж байсан бол гавьяат хуульч Б.Чимид шинэчлэлийн хоёр дахь үе ирсэнтэй санал нэг байгаагаа илэрхийлээд, Монголын ардчилсан нийгэмд гажуудлыг засаж залруулах зүйл олон байгааг дурдсан юм.
Их хуралд МАХН-ыг төлөөлж тус намын ерөнхий нарийн бичгийн дарга С.Баяр оролцож үг хэлсэн нь төлөөлөгчдийг анхаарлыг ихэд татав. Тэрээр МоАХ-ны авчирсан их өөрчлөлтийн сайн, мууг олон нийт хүртэж суугаа ч гэсэн сонгосон зам зөв байжээ. Шинэчлэл, ардчилсан хувьсгалыг хийхэд МАХН-аас хамаарах зүйл олон байсан нь үнэн. Тэр бүхэнд манай нам тэвчээртэй байсан. Харин хувьсгалыг зориглон хийсэн манлайлагчид нь энэ танхимд суугаа та бүхэн яах аргагүй байсан гээд шинэчлэгч байхын зовлонг үзсэн та бүхний дунд анхдагч байхын жаргалыг амсаагүй нь ч бий. Одоо Монголын төлөө шударга байж, нийгмээ хамтарч шинэчилье гэсэн юм
Ардчиллын төлөө намууд нэгдсэний ой, Ардчилал, хүний эрхийн өдөрт зориулан зохион байгуулсан Нийслэлийн Ардчилсан намын нэрэмжит "Ардчилал-2006 спортын тэмцээн" аймаг, хотын АН-уудын дунд гурван өдөр болж өчигдөр өндөрлөлөө. Сагс, гар бөмбөг, шатар. ширээний теннисний төрлөөр болсон энэ тэмцээнд багийн дүнгээр Дархан-Уул аймгийн АН эхний байранд шалгарч шилжин явах цом, мөнгөн шагналаар шагнагдлаа. Хоёрдугаар байранд нийслэлийн Баянгол дүүргийн АН, гуравт, нийслэлийн Ардчилсан залуучуудын холбоо, тусгай байрт Баянзүрх дүүргийн АН тус тус шалгарав.

АН-ын бүх шатны байгууллагын тамирчид оролцсон дээрх тэмцээн Монгол оронд Ардчилсан хөдөлгөөн үүсч хөгжсөний болон Монголын Ардчилсан холбоо (МоАХ) байгуулагдсаны 17 жилийн ойн баярын өдрүүдэд болсон тул МоАХ-ны III Их хурлын төлөөлөгчид үзэж сонирхон өөр өөрийн аймаг, хотын багийг дэмжиж оролцов.
Дэлгэрэнгүй...

1 удаагийн хуулийн улс төрийн шийдвэрийг МАХН-аас гаргуулав

2007.04.05-аас – 25-ны хооронд Хадгаламж зээлийн хоршооны хохирогчдтой хамтран хохирлыг барагдуулах 1 удаагийн хуулийн улс төрийн шийдвэрийг МАХН-аас гаргуулсан. Дэлгэрэнгүй...

“1000 оюутны форум” –ыг зохион байгуулав

2008.02.21-ний өдөр Төрийн ордонд “1000 оюутны форум” –ыг Залуучуудын зөвлөл бусад залуучуудын байгууллагатай хамтран зохион байгуулсан. Дэлгэрэнгүй...

МҮХАҮТ-д онолын бага хурлыг зохион байгуулав

2008.02.18-нд МоАХ-ны Анхдугаар Их хурал хуралдсаны 18 жилийн ойн өдөр МҮХАҮТ-д онолын бага хурлыг зохион байгуулсан. Дэлгэрэнгүй...

МоАХ-ны нийт гишүүдийг хүлээн авч золголт хийв

2008.02.09-нд буюу цагаан сарын шинийн 3-нд МоАХ-ны нийт гишүүдийг хүлээн авч золголт хийсэн. Дэлгэрэнгүй...

МоАХ-ны партизан ахмад гишүүн хүндэтгэл үзүүлэв

2008.02.07-нд Цагаан сарын шинийн нэгэнд МоАХ-ны партизан ахмад гишүүн Бавуу гуайнд очиж золгон хүндэтгэл үзүүлсэн. Дэлгэрэнгүй...

Удирдах ажилтны нэгдсэн зөвлөгөөн зохион байгуулав

2008.01.14-15-нд Удирдах ажилтны нэгдсэн зөвлөгөөнийг УЗ-ийн дарга нар болон нарийн бичгийн дарга нарын хамт УБ хотноо зохион байгуулсан. Дэлгэрэнгүй...

МоАХ-ны 18 жилийн ойн баяраа тэмдэглэв

2007.12.10-нд Ардчилал хүний эрхийн өдөр болон МоАХ-ны 18 жилийн ойн баярыг тохиолдуулан:

1. XII/8-ны өдөр Биллъярдын тэмцээнийг WIRAKA төвд
2. XII/9-ний өдөр Хүчит 128 бөхийн барилдааныг Бөхийн өргөөнд
3. XII/10-нд МҮЭСТО -нд баярын хурал, концерт
4. XII/10-ны өдөр WATCH DOC телевизийн баримтат кино, баримтат нэвтрүүлэгийн уралдааныг Тэнгис кинотеатрт тус тус зохион байгууллаа.
5. Үндэсний түүхийн музейд Ардчиллын танхимыг сэргээн засварлаж баяжуулан тохижуулсан.

Дэлгэрэнгүй...

МАХН-ыг Ард түмнээс уучлал гуйхыг шаардав

2007.10.22-25-ны өдрүүдэд МАХН-ын XXV дугаар Их хурлын үеэр МоАХ-ны гишүүд Ард түмнээс уучлал гуйхыг шаардаж шаардах бичиг өгч, жагсаал зохион байгуулсан. Дэлгэрэнгүй...

Зүүн бүсийн чуулга-уулзалтыг зохион байгуулав

2007.10.20,21-ний өдрүүдэд Хэнтий аймгийн Өндөрхаан хотод Зүүн бүсийн чуулга-уулзалтыг зохион байгуулсан. Дэлгэрэнгүй...

Баруун бүсийн чуулга-уулзалтыг зохион байгуулав

2007.10.10,11-ний өдрүүдэд Ховд аймагт Баруун бүсийн чуулга-уулзалтыг зохион байгуулсан. Баян-Өлгий, Говь-Алтай, Завхан, Увс, Ховд аймгууд оролцсон. Дэлгэрэнгүй...

Өмнөд бүсийн чуулга-уулзалтыг зохион байгуулав

2007.10.6,7-ны өдрүүдэд Баянхонгор аймагт Өмнөд бүсийн чуулга-уулзалтыг зохион байгуулсан. Архангай, Баянхонгор, Дундговь, Өвөрхангай аймгууд оролцсон. Дэлгэрэнгүй...

С.Зоригийн таалал төгссөн өдөр түүний хөшөөнд цэцэг өргөв

2007.10.02-нд МоАХ-ны анхны зохицуулагч агсан С.Зоригийн таалал төгссөн өдөр түүний хөшөөнд цэцэг өргөж хүндэтгэл үзүүлж, орой нь зул өргөсөн. Дэлгэрэнгүй...

Төвийн бүсийн чуулга уулзалт зохион байгуулав

2007.09.14-16-ны өдрүүдэд Дархан –Уул аймагт төвийн бүсийн чуулга уулзалт зохион байгуулсан. Булган, Дархан-Уул, Орхон, Сэлэнгэ, Төв, Хөвсгөл аймгууд оролцсон. Дэлгэрэнгүй...

Их хэлмэгдүүлэлтэд хэлмэгдэгсдэд хүндэтгэл үзүүлэв

2007.09.10-ны өдөр 70 жилийн өмнө эхэлсэн Их хэлмэгдүүлэлтийг санан дурсаж, хэлмэгдэгсдэд хүндэтгэл үзүүлэх арга хэмжээг зохион байгуулсан. Дэлгэрэнгүй...

Японы мэргэжлийн сумо бөхийн холбоонд шаардах бичиг явуулав

2007.08.16-17-ны өдрүүдэд Японы мэргэжлийн сумо бөхийн холбооноос Их аварга Дагвадоржид оногдуулсан шийтгэлийг эсэргүүцэж Японы элчин сайдын яамны өмнө жагсаж Японы мэргэжлийн сумо бөхийн холбоонд шаардах бичиг явуулсан. Дэлгэрэнгүй...

С.Зориг агсаны амь насыг хөнөөсөн хэргийн илрүүлэлтийн явцын талаар шаардлага хүргүүлэв

2007.08.01-нд МоАХ-ны төлөөлөгчид Төрийн 3 өндөрлөг болох Ерөнхийлөгч, Ерөнхий сайд, УИХ-ын даргад МоАХ-ны анхны Ерөнхий зохицуулагч С.Зориг агсаны амь насыг хөнөөсөн хэргийн илрүүлэлтийн явцын талаар шаардлага хүргүүлэв. Дэлгэрэнгүй...

Түймрийг унтраах үйл ажиллагаанд оролцов

2007.07.26-28-ны өдрүүдэд МоАХ Богд ууланд гарсан түймрийг унтраах үйл ажиллагаанд Залуучуудын байгууллагатай хамтран идэвхитэй оролцсон. Дэлгэрэнгүй...

Улс төрийн суултыг зохион байгуулав

2007.07.24-26-ны өдрүүдэд МоАХ-ноос Оюу толгой, Таван толгойн орд газруудын хувьчлалын асуудлаар улс төрийн суултыг зохион байгуулсан. Дэлгэрэнгүй...

“Залуучуудын анхдугаар чуулга уулзалт”-ыг зохион байгуулав

2007.07.07-нд МоАХ-ны дэргэдэх залуучуудын байгууллага “Залуучуудын анхдугаар чуулга уулзалт”-ыг Их тэнгэр цогцолборт зохион байгуулсан. Дэлгэрэнгүй...

“ МАХН ба Монголын нийгэм, улс төр” сэдэвт хэлэлцүүлэгийг зохион байгуулав

2007 оны 05 дугаар сарын 29-ний өдөр МҮХАҮТ-д МоАХ-оос “ МАХН ба Монголын нийгэм, улс төр” сэдэвт хэлэлцүүлэгийг зохион байгууллаа. Дэлгэрэнгүй...

Цианит хэмээх бодист хордсон байдалтай очиж танилцав

2007 оны 05 дугаар сарын 19-20-ны өдрүүдэд Дархан-Уул, Орхон аймгуудын салбаруудын иргэдийн санаа бодлыг сонсох зорилго бүхий чуулга уулзалтыг зохион байгуулж ажилласан. Мөн Дархан – Уул аймгийн Хонгор сумын ундны ус Цианит хэмээх бодист хордсон байдалтай өөрийн биеэр очиж танилцаж иргэдтэйгээ уулзаж ярилцлаа. Дэлгэрэнгүй...

Эмэгтэйчүүдийн анхдугаар чуулган болов

Тэртээ 18 жилийн өмнө Ардчилалыг бий болгоход хувь нэмрээ оруулж байсан МоАХ-ны дэргэдэх эмэгтэйчүүдийн байгууллага анх удаагаа Анхдугаар чуулганаа МҮСТОрдонд 2007.04.28-ны өдөр хийлээ. Дэлгэрэнгүй...

“Монголчууд аа! Чин шударга хүчирхэг төр чинээлэг иргэний нийгмийн төлөө нэгдэцгээе”уриан дор

2007.04.27-нд Сүхбаатарын талбайд МоАХ-ноос “Монголчууд аа! Чин шударга хүчирхэг төр чинээлэг иргэний нийгмийн төлөө нэгдэцгээе”уриан дор бүх нийтийн цуглаан зохион байгуулав. Дэлгэрэнгүй...

“Засгийн бүх эрх мэдэл ард түмний гарт байна уу?” сэдвээр хэлэлцүүлэг зохион байгуулав

2007.04.17-нд Ардчилалын ордонд МоАХ-ноос “Засгийн бүх эрх мэдэл ард түмний гарт байна уу?” сэдвээр хэлэлцүүлэг зохион байгуулсан. Дэлгэрэнгүй...

Иргэдийн хөдөлгөөнүүдийн удирдлагуудыг хүлээн авч уулзав

2007.04.13-нд МоАХ-ны Удирдах зөвлөлийн дарга Х.Баттулга иргэдийн хөдөлгөөнүүдийн удирдлагуудыг хүлээн авч уулзсан Дэлгэрэнгүй...

“Олон намын тогтолцоо” сэдэвт дугуй ширээний ярилцлага хийв

2007.04.09-нд МоАХ-ноос МҮХАҮТ-д “Олон намын тогтолцоо” сэдэвт дугуй ширээний ярилцлага зохион байгуулсан. Дэлгэрэнгүй...

“40000 айлын орон сууц “ хөтөлбөрт хамрагдах хамтын ажиллагааны гэрээнд гарын үсэг зурав

Барилга хот байгуулалтын яамны сайд Ж.Наранцацралттай “40000 айлын орон сууц “ хөтөлбөрт хамрагдах хамтын ажиллагааны гэрээнд гарын үсэг зурсан. Дэлгэрэнгүй...

МоАХ-ны Анхны партизан 30 эмэгтэйг хүлээн авч уулзав

Олон улсын Эмэгтэйчүүдийн Мартын 8-ний баярыг тохиолдуулан МоАХ-ны Анхны партизан 30 эмэгтэйг хүлээн авч уулзсан. Дэлгэрэнгүй...

МоАХ-ны өндөр настангуудтай золгов

Сар шинийн баяраар МоАХ-ны өндөр настан 280 гишүүдэд гарын бэлэг баярын мэндчилгээг орон нутгийн салбаруудаар дамжуулан хүргүүлж түүнчлэн МоАХ-ны гишүүн 96 настай өндөр настан Долгорсүрэн гуайтай өөрийн биеэр очиж золгон хүндэтгэл илэрхийлсэн. Дэлгэрэнгүй...

Хяналтын зөвлөл болон Удирдах зөвлөл, салбаруудын журмуудыг баталуулав

2007 оны 01 дүгээр сарын 19-ний өдөр УЗ-ийн анхдугаар хурлыг зохион байгуулж хурлаар Хяналтын зөвлөл болон Удирдах зөвлөл, салбаруудын журмуудыг баталсан. Дэлгэрэнгүй...

МоАХ-ны дүрмийг шинэчлэн найруулж батлуулав

МоАХ-ны III Их хурлыг 2006 оны 12 дугаар сарын 10-ны өдөр МҮЭСТО-д зохион байгуулж хуралдуулан МоАХ-ны дүрмийг шинэчлэн найруулж батлуулсан. Их хуралд 21 аймаг, 9 дүүргийн төлөөллийг урьж оролцуулсан болно. Дэлгэрэнгүй...

Ардчиллын ордон болгон сэргээн засварлав

Сонгогдсоноосоо хойш МоАХ-ны байрыг Ардчиллын ордон болгон сэргээн засварласан. Дэлгэрэнгүй...

Х.Бааттулга 2006 оноос хойш МоАХ-ы даргаар ажиллаж байна

МоАХ нь 1989.12.10-нд байгуулагдсан, эгнээндээ 120 гаруй мянган гишүүдийг нэгтгэсэн, бүх аймаг сум, дүүрэгт салбар зөвлөлтэй, Монголын ард түмнийг ардчиллын төлөө тэмцэлд уриалан манлайлсан анхны ТББайгууллага юм.
Х.Баттулга 2006.06.19-өөс одоог хүртэл өнөөдрийг хүртэл тус байгууллагын даргаар ажиллаж байна.
Дэлгэрэнгүй...