Монгол морин спорт уяачдын холбооноос цол олгох уяачдын нэрсийг Ерөнхийлөгчид өргөн мэдүүлэхэд бэлэн болжээ. Цол авах уяачдын дунд моринд "нугасгүй" УИХ-ын гишүүдийн нэрс цохиж явна. Тухайлбал, УИХ-ын дэд дарга Г.Батхүү Монгол Улсын тод манлай уяачийн болзлыг хангасан байна. Г.Батхүү дарга ч тал бүрийн авьяастайн хэрээр тэр болгоноороо "цоллуулах" нь бий. "Шунхлай Батхүү", "АПУ Батхүү", "Толин хул Батхүү" гэдэг байсан бол удахгүй "Тод манлай уяач Г.Батхүү" хэмээх нь байна. УИХ-ын дэд дарга Г.Батхүүгээс гадна Монгол Улсын Манлай уяачийн болзлыг УИХ-ын гишүүн Ч.Улаан  амжилттай биелүүлсэн сурагтай. Ямартай ч цагаан сар болох гэж байхад моринд дуртай гэгддэг эрхэм гишүүдийн магнай тэнийж, хоббигоороо бахархах/ цаг нь ирж буй бололтой.

Эх сурвалж: Улс төрийн тойм