УИХ-ын дэд дарга Г.Батхүү өнөөдөр Өвөрхангай аймагт ажиллаж, сайн малчны шагнал гардуулах юм байна. Энэ үеэр сайн малчдад номон дээрээ гарын үсэг зураад бэлэглээч гэсэн хүсэлтийг Баг, сумдын холбооноос түүнд тавьжээ. Ийм хүсэлтийг дамжуулсан туслахдаа тэрбээр "Болохгүй, Сонгуулийн хууль гарчихсан. Хууль зөрчинө" гээд халгаасангүй. Сонгуулийн тухай хуулийн шинэчилсэн найруулгын дагуу УИХ-ын гишүүд зөвхөн өнгөрсөн хугацаанд хэрхэн ажилласан тухай тайлангаа л танилцуулах боломжтой. Ямар нэг бэлэг сэлт, эд зүйл тараах, олныг хамарсан үйл ажиллагаа зохион байгуулах юм бол "Сонгогчдын санал татахыг оролдсон"хэмээн буруудаж, нэр дэвших эрхээ хасуулах юм. Хоёрын хооронд юмнаас болж УИХ-д суух "виз"-ээ алдахыг хэн хүсэх билээ.

Эх сурвалж:Өнөөдөр сонин