Банк, санхүүгийн арвин мэдлэг, туршлага, алсын хараатай хүн.
Монгол банкны ерөнхийлөгчөөр олон жил ажилласан төдийгүй дотоод, гадаадад банкны салбарт амжилттай ажиллаж байсан түүнээс хэвлэл мэдээллийнхэн цаг үргэлж ярилцлага, мэдээлэл авч байдаг нь түүний мэргэжлийн цар хүрээ, чадамж, ухааныг өндрөөр үнэлдэг учир биз ээ.
"Ядуу хүн хараад юу гэж боддог вэ?" гэсэн сэтгүүлчийн асуултанд "Яг үнэндээ бол юуны өмнө өрөвдөхөөсөө илүү энэ хүн жаахан арчаагүй талдаа байна уу гэж боддог" хэмээн хариулж байсан түүнийг маш биеэ даасан, хөдөлмөрч хүн болоод л амьдралдаа ийм их зүйлд хүрч амжсан болов уу гэж боддог. Тиймээс ч "Их сонин юм байна билээ л дээ. Хүн ямар нэгэн амжилт гарахаар хамгийн түрүүнд аав ээждээ хэлмээр санагддаг. Аав, ээж минь эрт бурхан болсон." хэмээн хэлснийг нь уншаад түүнээр бахархах сэтгэл төрсөн билээ.