Дархан хот байгуулагдсаны хагас зуун жилийн ой энэ онд тохиож байгаа билээ. Харин амжилт, бүтээл, алдрыг дагуулсан 2011 он маань улирч, шинэ он гарахад хэдхэн хоног үлдээд байхад “Төвшин сэтгэл” сан Дарханыхаа хүүхэд багачуудад шинэ жилийн баярын бэлгээ хүргэлээ. Энэ нь “Бид Дарханы хүүхдүүд” авьяаслаг  500 хүүхдүүдийн урлагын тоглолт байлаа.  Цэцэрлэгийн багачуудаас эхлээд ахлах ангийн сурагчдыг хамруулсан урлагийн тоглолт 12 сарын 28,29,30-ний өдрүүдөд амжилттай тоглогдлоо. Тоглолтонд дуу бүжгийн “Солонго” чуулга, уран нугаралтын “Угалз” хамтлаг, “Шонхоодой” циркийн дугуйлан, Спорт бүжгийн холбоо, “Залуучууд” театрын дэргэдэх дугуйлангийн хүүхдүүд, 4,15,18,23-р цэцэрлэгийн багачууд, Дэлхийн зөн, ” Азийн хүүхдийн сан”-гийн нийтдээ 500 хүүхэд багачууд оролцож Дарханыхаа хүүхдүүдэд уран бүтээлээ хүргэлээ.

Тоглолтыг УИХ-ын гишүүн, Төсвийн байнгын хорооны дарга Д.Хаянхярваа “Төвшин сэтгэл” сангаараа дамжуулан 20 000 000 төгрөгөөр ивээн тэтгэж явууллаа.  Авьяаслаг 500 хүүхдийн нэгдсэн тоглолтыг “Солонго” дуу бүжгийн чуулгын захирал, МУСТА П.Фрунзе найруулан тавьж байна.

Бүхий л сургууль, цэцэрлэгээс хүүхэд багачуудыг хамруулсан тоглолт Дарханд анх удаа ийм олон хүний бүрэлдэхүүнтэй болж байгаа тоглолт гэдгээрээ онцлог байлаа.