Аялалд хамрагдах журам:

УИХ-ын чуулганы үйл ажиллагаа, Төрийн ордонтой танилцах аяллыг УИХ-ын чуулганы нэгдсэн хуралдаантай өдрүүдэд буюу долоо хоног бүрийн Пүрэв, Баасан гаригт үдээс өмнө 10.30-12.30, үдээс хойш 15.00-17.30 цагт зохион байгуулна.Аялалд хамрагдах хүсэлтийг 7-14 хоногийн өмнө хүлээн авна.

Хүсэлтийг “УИХ-ын Тамгын газрын Хэвлэл мэдээлэл, сурталчилгааны хэлтсийн дарга Б.Золбаяр Танаа” гэж хаяглан шуудангаар, эсвэл Төрийн ордны баруун хойд хаалгаар орж Төрийн холбоонд хүлээлгэн өгнө. Харин Төрийн есөн хөлт цагаан туганд хүндэтгэл үзүүлэн зургаа авахуулахдаа Төрийн ёслолын албанаас зөвшөөрөл авдаг бөгөөд тус албанд албан тоот хүргүүлэх буюу эсвэл манай хэлтэст хаягласан тоотдоо "Хувийг Төрийн ёслолын албанд" гэж бичиж болно.

Хүсэлт ирүүлсэн байгууллага, иргэд нь холбоо барих хүний нэр, утсыг бичсэн байна. Холбоо барих утас бичээгүй тохиолдолд аялалд хамруулах хугацааг мэдэгдэх боломжгүй болдог.УИХ-ын чуулганы үйл ажиллагаа, Төрийн ордонтой танилцах хуваарьт орсон байгууллага, иргэд нь Төрийн ордны хойд талын цэцэрлэгт хүрээлэнд Төрийн тамганы хөшөөний дэргэд товлосон цагаас 30 минутын өмнө ирсэн байна. Орох цагаас 30 минут хоцорсон байгууллага, хүмүүсийн аяллыг цуцалж, дараагийн ээлжийнхнийг оруулдаг журамтай тул Та бүхэн цагаа баримтална уу.

Аяллын маршрут:

Хойд гол хаалгаар орж 2 дугаар давхарт байрлах “Манай эх орон” туурган хивс, 3 дугаар давхрын зүүн жигүүрт байрлах “Хан төрийн долоон эрдэнэ” уран зураг, УИХ-ын чуулганы танхим, Ерөнхий сайдуудын хөрөгтэй танилцана.Тусгай зөвшөөрлийг Төрийн ёслолын албанаас авсан тохиолдолд Есөн цагаан туганд хүндэтгэл үзүүлэн, зураг авахуулна. Хэрвээ төрийн ёслолын арга хэмжээтэй бол Чингис хааны цээж баримал ба Туурган хивсний орчимд зураг авах боломжтой.

Холбоо барих утас: 264834

Холбоотой мэдээлэл унших

Хууль хэрхэн батлагддаг вэ?		Төрийн сангийн сургалтын зээл, буцалтгүй тусламжинд хэрхэн яаж хамрагдах вэ?