Малавигийн шүүх гей залуусын гэрлэх өргөдлийг хүлээн авалгүй татгалзсан байна. Тус улсад Тивонге Чимбаланга болон Стевин Монжеза нарын гей залуусын гэрлэх асуудлыг ирэх долоо хоногт хэлэлцэхээр хүлээгдэж байна. Энэ хоёр Малавигийн анхны гей гэрлэлтийн хүсэлт гаргаж байгаа хос залуус юм.

Тэдний өргөдлийг өнгөрсөн долоо хоногт хэлэлцэх байсан ч хойшлуулжээ. Малавид гомосексуаль гэдгээ мэдэгдэх юм бол хамгийн дээд тал нь 14 жил шоронд хорих ял ногдуулдаг байна. Хос залуусыг түр хорих газар албадан саатуулсан байгаа юм.

Би Би Си агентлагийн Рафэел Тентани “ноён Монжезаг шүүх түр хорих газар саатуулсанд гунигтай нулимс дуслуулж байгаа харагдсан” гэжээ. Монжеза “Би гунигтай байна. Одоо Чичиригийн шоронд хоригдох нь байна шүү дээ” гээд “Ийм зүйл манай нутагт аймар муухай зүйл мэт ойлгогддог.  Хүмүүс бидний тухай ихэд дэгсдүүлж ярьдаг” гэсэн байна.

Сүүлийн үеийн мэдээгээр тэдний энэ үйлдлийг олон зуун хүмүүс дэмжиж байгаа аж. Мөн эсэргүүцэж байгаа хүмүүсээс нэгэн залуу эмэгтэй хүн шиг хувцаслаад “Нагац эгч Тивонге, Нагац эгч Тивонге” гэж чанга дуугаар хашгирсан байна. Малавигийн гүн гүнзгий уламжлалаа хадгалсан нийгэмтэй улс. Гэсэн хэдий ч гей хүмүүсийн эрхийг хамгаалсан “Хүний хөгжлийн төв” нэртэй байгууллага байгуулж, кампанит ажил өрнүүлж байна.