Газрын тосны үнэ 112 ам.доллараас давсныг "Ройтерс" өчигдөр мэдээллээ. Зарим шинжээч энэ ашигт малтмалын үнэ 150 ам.доллараас давна гэж үзэж байна. Иран болоод барууныхны хоорондын мөргөлдөөн нь хар алтны худалдаа, дамжлагад сөргөөр нөлөөлж эхэлжээ.

Дэлхийн тав дахь томоохон экспортлогч энэ улсын хар алтны усан замын тээвэрлэлт саарсан нь ханш ийнхүү өсөхөд нөлөөлсөн байна. "Ираны мөргөлдөөний улмаас газрын тосны худалдаачид ханшаа бараг 20 хувиар өсгөөд байна. Цаашдаа ханш 200 ам.долларт хүрэхийг үгүйсгэх аргагүй байна" гэж Хонконг дахь "Mirae Asset Management" компанийн эрчим хүчний судалгааны газрын тэргүүн Гордон Кван хэлжээ.

Хятад, АНУ, Герман дахь дэлхийн томоохон үйлдвэрлэгчид манай гаригийн эдийн засгийн өсөлт дахин сэргэж, энэ нь эрэлтийг нэмэгдүүлнэ хэмээн найдаж байсан юм. "Дэлхий дахинаараа Хятад болон Энэтхэгт нүүрлээд байгаа евро бүсийн хямралыг ажиглаж байна. Энэ бүхэн ихээхэн хар үр дагавар дагуулж мэдэх нь. Гэвч өнөө хэр нь зах зээл найдсан хэвээр байна" гэж "Ваrratt's Bulletin''-ий Жонаттан Барратт хэллээ. Азийн зах зээл дэх хувьцааны ханш өсч, еврогийн ам.доллартай харьцах ханш чангарсан хэвээр байна.