Туурга тусгаар их монгол улсын элэг нэгт ахан дүүс та бүхэндээ сар шинийн мэнд дэвшүүлье. Өнөөдөр Төмөр туулай жилийг үдсэн "Баясгалан" хэмээх усан луу жилийг угтсан хаврын тэргүүн сарын шинийн нэгэн өнөөдөр тохиож байна. Энэ өдөр миний ард түмэн сайныг ерөөж, саарыг мартдаг сайхан заншилтай. Холоос яарсан хүү нь ижийдээ золгох эрхэм нандин мөч. Ах дүү элгэн саданг учруулдаг ховорхон өдрүүд. Энэ л өдөр миний нутгийн тэнгэрт жигүүртэн хүртэл дураараа наадах урин цаг айлчлан ирдэг.

Буян номын гэгээ тооноор чинь цацарч
Бурхад инээмсэглэн хаалган дээр чинь бууж
Буурал өвгөд халуун ам бүлээрэй цуглан
Бүхнээс элбэг сайхан шинэлээрэй.
Шижир цацрагт нараа дэлхий тойрч нас нэмсний дан баяр
Шидрүүн мөнгөн өвлийг өнтэй давсны давхар баяр
Шинэхэн цэцэглэх хавартай энх золгосны баяр
Шинийн нэгэн гэмээн эгнэн давхацсан баяраа сайхан тэмдэглээрэй.