Засгийн газар Монгол Улсын Засгийн газар Наймдугаар сарын 27-ны өдөр бүрэн бүрэлдэхүүнээрээ элсэн цөлд хуралдлаа. Засаг хуралдсан Өмнөговь аймгийн Баяндалай сумын нутаг дахь Гашуун хоолой хэмээх энэ газарт элсний нүүдэл маш эрчимтэйгээр явагдаж байгаа юм байна.Ер нь сүүлийн жилүүдэд дэлхийн цаг уурт гарч байгаа огцом хувирал, байгалийн элдэв өөрчлөлтүүд нь ихэвчлэн хүний болчимгүй үйлдэлтэй холбоотой гэдгийг судлаачид нотолж байгаа. Иймд олон нийтийн анхаарлыг онцгойлон хандуулахын тулд Засгийн газрын хуралдааныг цөлжилт ихээр явагдаж байгаа говь нутагт зохион байгуулж, асуудлыг шийдэх гарцыг ард иргэдтэйгээ хамтран хэлэлцэх нь энэ арга хэмжээний гол зорилго гэдгийг Ерөнхий сайд С.Батболд хуралдааны эхэнд тэмдэглэлээ.

З.Энхболд: Улсын нууц алдагдсан байна		Таван толгой нүүрсний ордыг ашиглах тогтоол батлагдлаа