Засгийн газрын хэрэгжүүлэгч агентлаг Авто тээврийн газрын төлөөлөгчид АНУ¬-н Автотээврийн байгууллагатай харилцаа холбоо тогтоох, тээвэрлэлтийг хэрхэн зохион байгуулж, хяналт тавьж байгаа байдал, мэргэшсэн жолооч бэлтгэж, шалгалт авч байгаа зэргийг судлаж танилцах, цаашид Монгол улсад автомашин үйлдвэрлэх, угсарсан тохиолдолд олгох үйлдвэрлэгчийн таних тэмдгийг авах, автотээврийн чиглэлээр мэргэжилтэн бэлтгэх боломжийг судлах зэрэг зорилгоор тус улсад ажиллаад ирлээ.

АНУ-н Засгийн газрын байгууллага болох Тээврийн газрын /United Statis Department of Transportation/ хурданы замын аюулгүй байдал болон зөвшөөрөл, сертифактжуулалт хариуцсан удирдлагуудтай уулзаж Монгол улсын тээврийн салбарын талаар танилцуулж цаашид хамтран ажиллах боломжийг бүрдүүлэх болон автомашины арлын дугаараар хэрхэн хяналт тавьж байгаа талаар танилцаад ирсэн юм . Тухайн байгууллагад хүсэлт тавьсаны дагуу мэргэшсэн жолооч бэлтгэх, тээвэрлэлтийн үйлчилгээнд тавих хяналт, үйлдвэрлэгчийн таних тэмдэгээр хяналт тавих зэргийг нарийвчлан судлан суралцах зорилгоор автотээврийн газрын мэргэжилтэнүүдийг тус газарт дадлагажуулахаар тохиролцлоо.

Монголд үйлдвэрлэгдсэн автомашины үйлдвэрлэгчийн таних тэмдэг MU9 гэж байхаар тус байгууллагаас олгосон. Үйлдвэрлэгчийн таних тэмдэг гэдэг нь тухайн автомашины арлын дугаар буюу VIN код бөгөөд энэхүү кодын эхний гурван тэмдэгт нь үйлдвэрлэгчийн таних тэмдэг гэж явдаг ба үүнийг зөвхөн Олон улсын авто инженерүүдийн холбооноос олгодог. Олон улсын авто инженерийн холбоо нь дэлхийн 100 гаруй орны инженер техникийн ажилчид, дэлхийн автомашин үйлдвэрлэгчдыг нэгтгэсэн ба байгуулагдаад 106 жил болж байгаа олон улсын томоохон байгууллага юм.