“Нийгмийн эрүүл мэнд, нийтийн биеийн тамирыг дэмжих жил” сэдвээр Эрүүл мэндийн удирдах ажилтны зөвлөгөөн энэ сарын 24-26-ны өдрүүдэд Улаанбаатар хотод боллоо. Зөвөлгөөнд УИХ-ын Нийгмийн Бодлого Боловсрол Соёл Шинжлэх ухааны байнгын хорооны дарга Д.Очирбат оролцож үг хэлсэн юм.(Хэлсэн үгийг үзэх бол ЭНД дарна уу)

ЭМЯ-аас жил бүр салбарын удирдах ажилтнуудын зөвлөгөөнийг зохион байгуулж, өнгөрсөн жилийн ажлаа дүгнэн, тухайн жилийн үйл ажиллагааны зорилго, чиглэлийг тодорхойлон хэлэлцүүлдэг уламжлалтай. Энэ удаагийн зөвлөгөөнөөр  өнгөрсөн оны “Эрүүл мэндийн салбарын цогц шинэчлэл”-ийн хэрэгжилтийг үнэлж, 2011 оны “Нийгмийн эрүүл мэнд, нийтийн биеийн тамирыг дэмжих жил” уриан дор хийх ажлын төлөвлөгөөг хэлэлцэн баталсан юм. Түүнчлэн зөвлөгөөнөөр эрүүл мэндийн салбарын тулгамдсан асуудлууд, тэдгээрийг шийдвэрлэхэд төрийн болон төрийн бус байгууллага, олон улсын байгууллагатай үр дүнтэй хамтран ажиллах арга замыг тодорхойллоо.

Д.Очирбат: “Орон нутагт тулгамдсан зарим асуудлыг шийдвэрлэх хөрөнгө оруулалтын асуудлыг Засгийн газарт тавина”		Д.Очирбат: Эрүүл мэндийн салбарт шинэчлэлийн хуй салхи өрнөж байна