Эх, үрсийн баяртай давхцан нэр бүхий гишүүд алдарт ээжүүдийн магнайг тэнийлгэсэн хуулийн төсөл санаачлан боловсруулж батлуулаад байгаа билээ.  Одонтой ээжүүдэд урамшуулал олгох тухай энэхүү хуулийн төслийг санаачлагчдын нэг  УИХ-ын Нийгмийн бодлого, боловсрол, соёл, шинжлэх ухааны байнгын хорооны дарга Д.Очирбат өнөөдөр одонтой 50 ээжийг хүлээн авч , хүндэтгэл үзүүлэн баярын мэнд хүргэлээ.

Тэрээр, залуу халуун насандаа эх орныхоо хөгжил дэвшил, хүн ам, удам судар, үр хүүхдийнхээ сайн сайхны төлөө өөрийн биеийг үл хайрлан зүтгэж, хичээнгүй хөдөлмөр, уужуу талбиу ухаанаараа улс гүрэн, ураг бүлийнхээ түшиг тулгуур болж ирсэн Монголын сайхан ээжүүддээ төрдөө түшигтэй, түмэн олондоо хүндтэй, жаргалын дээдийг эдлэн амар амгалан амьдрахын өлзийтэй ерөөлийг дэвшүүлэв.

Очирбат дарга одонтой ээжүүдэд урамшуулал олгох тухай хууль монголын олон мянган ээжүүдийн сэтгэлд нийцсэн, олон эхчүүдийг хамарсан хууль болсныг онцлон тэмдэглээд, өнөөдөр өглөөхөн Чингэлтэй дүүргийн 300 ээжид алдарт эхийн одонгий нь гардуулаад ирснээ  дуулгасан юм. Мөн Баянхонгор аймгийн Баацагаан суманд 23 хүүхэд төрүүлсэн ээж байгаа. Цаашид олон хүүхэд, тухайлбал наймаас дээш хүүхэд төрүүлсэн ээж нарт онцгой урамшуулал эдлүүлдэг болгох тухай хууль гаргахаар хуулийн төсөл боловсруулагдаж байгааг хэллээ.

Эрхэм гишүүний урилгаар Төрийн ордонд заларсан дээрх одонтой эхчүүд Төрийнхөө есөн хөлт цагаан туганд хүндэтгэл үзүүлж, дурсгалын гэрэл зургаа татуулж, ордны үйл ажиллагаатай танилцсанаар энэ удаагийн арга хэмжээ өн

дөрлөлөө.

УИХ-ын гишүүн Д.Очирбат тойрогтоо гурав дахь өдрөө ажиллаж байна		Чингэлтэй дүүргийн Мэргэжлийн Хяналтын хамт олон төрийн ордонтой танилцлаа.