Иргэд Оюутолгойн хөрөнгө оруулалтын гэрээг үр ашиггүй болсон хэмээн үзжээ

Оюутолгой хөрөнгө оруулалтын гэрээ батлагдаад жилийн нүүр үзэх гэж байна. Гэрээ монголчууд бидэнд алдагдалтай, эсвэл ашигтай болсон талаар дээр, дооргүй л маргадаг. Тэгвэл www.vip76.mn улстөрийн мэдээллэлийн сайтаас дөрөв, тавдугаар сарын турш “Оюутолгойн хөрөнгө оруулалтын гэрээ бидэнд хир үр ашигтай гэрээ болсон вэ?” гэсэн нэртэй судалгааг сайтынхаа зочдын дунд явуулжээ.

Судалгаанд нийт 1116 хүн оролцож. Оролцогчдын 51.5 хувь нь Оюутолгойн гэрээ Монголчууд бидэнд алдагдалтай гэрээ болсон хэмээн үзжээ. Харин 15.5 хувь нь гэрээ бидэнд үр ашиг багатай болсон гэсэн бол 14.4 хувь нь бидэнд үр ашиг өндөртэй, сайн гэрээ болсон хэмээн дүгнэсэн байна. Үлдсэн 10.3 мэдэхгүй, 8.2 нь дунд зэрэг гэсэн үнэлгээ өгчээ.

Судалгаанаас хархад иргэд Оюутолгойн хөрөнгө оруулалтын гэрээг бидэнд үр ашиг багатай гэрээ болсон хэмээн дүгнэж байгаа нь харагдаж байна. Гэхдээ сайтын хэлэлцүүлэгт бичсэн хэлэлцүүлгээс хархад гэрээний талаарх мэдээлэл хомс, мөн гэрээний талаарх сөрөг мэдээлэл нийгэмд давамгайлж байгаа нь оролцогчдыг ийн саналаа өгөхөд нөлөөлсөн бололтой.Энэ гэрээ үнэхээр бидэнд үр ашиггүй гэрээ болсон уу? магадгүй үүнийг цаг хугацаа харуулах биз ээ.