Монгол Улсын Их Хурлын гишүүн А.Тлейхан 2008 оны парламентын сонгуульд УИХ-ын 2-р тойрогт МАХН-аас нэр дэвшин парламентад сонгогдсон.

А.Тлейхан1976 онд МУИС-ийг төгссөн, эрчим хүчний инженер, үйлдвэрийн эдийн засагч мэргэжилтэй. Эзэмшсэн мэргэжилдээ эзэн болж, ажил албандаа үнэнчээр зүтгэж явдаг олны бахархал болсон хүмүүсийн нэг бол А.Тлейхан.

Тэрээр Улаанбаатарын 3-р цахилгаан станцад цехийн мастераас ажлын гараагаа эхэлж, үйлдвэрийн дарга хүртэл албыг хашиж явсан. 1980-аад оны эхэн үед ДЦС-3-ын үйл ажиллагаа доголдож байсан үед нийслэл хотыг хөлдөх аюулаас аврах ажлыг удирдан оролцож, тодорхой хувь нэмэр оруулсан цөөхөн хэдэн инженерүүдийн нэг гэдгээр түүнийг салбарынхан төдийгүй нийслэлчүүд сайн мэднэ. А.Тлейхан эрчим хүчний салбарт 30 гаруй жил ажиллахдаа олон арван бүтээлч санаа, шийдлийг үйлдвэрлэлд нэвтрүүлж, тэр нь эргээд улсын эдийн засагт хэдэн тэрбумаар тоологдох хэмнэлтийг гаргаж байсан.

Тэрээр 2000 онд Монгол Улсын зөвлөх инженер зэрэг дэв хүртсэнээс хойш Эрчим хүчний тухай хуулийн төсөл боловсруулах ажлын хэсэгт орж ажиллан, УИХ-аар хэлэлцүүлэн батлуулах, уг хуулийг хэрэгжүүлэх ажлыг холбогдох байгууллагатай хамтран хийж гүйцэтгэхэд оролцож байсан.

Эрхэлсэн ажлынхаа эцсийн үр дүнг үзэхийн төлөө тууштай хөдөлмөрлөдөг, зорьсондоо хүрэх тэмүүлэл нь түүнийг төрийн түшээ гэсэн эрхэм нэр алдрыг олж авахад нөлөөлсөн нь гарцаагүй.

Улс орны хөгжилд томоохон үүрэгтэй эрчим хүчний салбарын ажлыг мэддэг, Монгол Улсын зөвлөх инженер хүн УИХ-д сонгогдсоноор эрчим хүчний хийгээд дэд бүтцийн салбарын цаашдын хөгжлийг тодорхойлох, энэ чиглэлийн бодлого боловсруулахад хувь нэмрээ оруулна хэмээн сонгогчид нь түүнд итгэл үзүүлсэн билээ.

А.Тлейхан УИХ-ын Эдийн засаг, Нийгмийн бодлого, боловсрол, соёл шинжлэх ухааны байнгын хорооны гишүүн