Монгол Улсын хөгжлийн цогц бодлоготой уялдуулан өнгөрсөн оны 10 дугаар сараас эхлэн Баян-Өлгий аймгийг хөгжүүлэх хөтөлбөр боловсруулж байгаа бөгөөд энэ хөтөлбөрт Баян-Өлгий аймгийн аж үйлдвэрийн хөгжил, хөдөө аж ахуйн хөгжил, зам тээврийн хөгжил, түлш, эрчим хүчний хөгжил, мэдээлэл харилцаа холбооны хөгжил, аялал жуулчлалын хөгжил, хот байгуулалт нийтийн аж ахуйн хөгжил, хүн амын өсөлт, хөгжил, ажилгүйдэл ядуурлыг бууруулах, хүн амын боловсрол, соёлын түвшинг дээшлүүлэх, хүн амын эрүүл мэндийг хамгаалах, байгалын нөөцийг ашиглах, байгал орчны хамгаалал зэрэг асуудлуудыг цогцоор нь тусгаж байгаа.

Уг хөтөлбөрийг аймаг хөгжүүлэх зөвлөлтэй Улаанбаатар хотод амьдарч байгаа Өлгий нутгийн эрдэмтдийн баг хамтран боловсруулж дуусч байна. Хөтөлбөр боловсруулах судалгааны явцаас үзэхэд манай аймгийг хөгжүүлэх маш их боломж байгаа нь харагдаж байна.