2007 оны эцсийн тооллогын дүнгээс үзэхэд манай улсын хэмжээнд 171000 малчин өрх айлтай байна. Эдгээрээс 88000 өрх айл нарны цахилгаан үүсгүүрээр хангагдсан байна. Одоогийн байдлаар Сэргээгдэх эрчим хүчний үндэсний төв дээр 43400 ширхэг нарны цахилгаан үүсгүүр бэлэн байгаа бөгөөд ойрын өдрүүдэд хэрэглэгчдэд хүргэж өгөх юм.

Нарны цахилгаан үүсгүүр авахыг хүсч байгаа хүн сумынхаа Засаг даргын тамгын газарт захиалгаа өгч үүсгүүрийн хөнгөлөлттэй үнэ 210000 төгрөг тушаасан байх ёстой. Сумын засаг даргын тамгын газар айл өрхүүдийн захиалгыг нэгэтгэн Сэргээгдэх эрчим хүчний үндэсний төвд захиалгаа өгч төлбөрөө төлсөний дараа тус төвөөс нарны цахилгаан үүсгүүрүүдийг сумын төвд хүргэж өгөх юм.