Хөгжлийн цогц бодлогын хүрээнд хөдөөгийн багийн төвүүдийг цахилгааны эх үүсвэртэй болгох зорилт дэвшүүлсэн бөгөөд энэ жил Улаанхус сумын Согоот багт 280 сая төгрөгийн хөрөнгөөр 10 кВт-ын 22 км урт цахилгаан шугам татаж төвлөрсөн эх үүсвэрт холбоно, цаашид Баяннуурын Сэжигт, Толбын 2-р баг зэрэг багуудыг холбох судалгааны ажлыг хийж байна.
Аймгийн төвүүд болон сумуудын дулаан хангамжийг сайжруулах судалгаанд тус аймгийн бүх сумуудыг хамруулж төсөл бэлдэх бөгөөд ирэх жилээс улсын төсвийн болон хөгжлийн сангаас хөрөнгө гаргуулж хэрэгжүүлэхээр төлөвлөж байна.