“Чимид опен” шатрын тэмцээнийг 5 дахь удаагаа зохион байгуулж байна

Монгол Улсын төр, нийгмийн нэрт зүтгэлтэн, ардчилсан Үндсэн хуулийн эхийг баригч, Хөдөлмөрийн баатар, Ардын багш, гавьяат хуульч, доктор, профессор Бяраагийн Чимид багшийн маань үйл хэргийг мөнхжүүлэх, шатрын спортын хөгжлийг дэмжих, түгээн дэлгэрүүлэх зорилгоор “ЧИМИД ОПЕН” шатрын тэмцээнийг “ЧИМИД” сан, Монголын Шатрын Холбоотой хамтран тавдахь удаагаа зохион байгуулж байна.Анх 2009 онд хуульчдын дунд шатрын тэмцээнийг зохион байгуулж эхэлсэн бол 2015 оноос хамрах хүрээгээ өргөжүүлж, мэргэжлийн шатарчид болон шатар сонирхогч иргэдийн дунд “ЧИМИД ОПЕН” нэртэйгээр Хөвсгөл аймагт 4 удаа амжилттай зохион байгуулжээ. Энэ удаагийн тэмцээнээ шатарчдынхаа хүсэлтээр Улаанбаатар хотод зохион байгуулж байгаа бол цаашдаа Монгол Улсынхаа 21 аймгийн түүхэн дурсгалт газруудад зохион байгуулахаар төлөвлөж байна.