Б.Батцэцэг: Гадаад харилцааны салбарыг үндэсний чадварлаг мэргэжилтнүүдээр бэхжүүлэх мөн чанарыг ухамсарлуулж байна!

Гадаад харилцааны сайд Б.Батцэцэгт Монгол Улсын Их Сургууль “Хүндэт доктор” цол олголоо.Тэрбээр 1996 онд МУИС-ийн Олон Улсын Харилцааны Дээд сургуулийг Олон Улсын Харилцаа мэргэжлээр Бакалаврын зэргээ хамгаалсан ууган төгсөгчдийн нэг юм. 2016 оноос өнөөдрийг хүртэлх хугацаанд Гадаад харилцааны яаманд Дэд сайд, сайдын албан үүргийг гүйцэтгэж Монгол Улсын гадагш чиглэлтэй бодлого, дипломат харилцааг тогвортой хийгээд өргөжүүлэн хөгжүүлэхийн төлөө 9 жил  хүчин зүтгэж буй. МУИС-ын Хүндэт цол олгох журамын 1 дүгээрт зүйлд"Хүндэт доктор" цолийг шинжлэх ухаан, соёл, боловсролыг хөгжүүлэх үйлсэд жинтэй хувь нэмэр оруулсан,, энх тайван, хүмүүнлэг төр, олон нийтийн салбарын нэрт зүйтгэлтэн, хамтын ажиллагааг өргөжүүлэн хөгжүүлэх үйлсэд асар их үүрэг гүйцэтгэсэн, өөрийн шавь сургалт, дэг сургуулийг бий болгосон эрхэмд олгохыг заадаг.Улмаар МУИС-ийн "Эрдмийн зөвлөл"-өөр зөвшилцсөний үндсэн дээр цол олгох шийдвэр гардаг процесстой."Гадаад харилцааны сайдын хувьд төрөлх сургуулийнхаа Хүндэт доктор цолыг хүртэнэ гэдэг амьдрал, ажил мэргэжлийн замналын минь нэн эрхэм мөчүүдийн нэг байлаа.Энэхүү хүндэтгэлийг эх орон, дэлхий ертөнцийг танин мэдэх үзэл санаа, үнэт зүйлсийг минь төлөвшүүлсэн эрдэмт багш нар, хамт суралцсан үе тэнгийнхэн, МУИС-ийн олон арван жилийн баялаг түүх, нэр хүндийн илэрхийлэл хэмээн хүлээн авч, мөнхүү залуу үеийн боловсрол, гадаад харилцааны салбарыг үндэсний чадварлаг мэргэжилтнүүдээр улам бэхжүүлэхэд илүү их хувь нэмэр оруулах урам зориг, хүлээх үүрэг хариуцлага хэмээн ухамсарлаж байна" хэмээн Гадаад харилцааны сайд Б.Батцэцэг хэллээ.