Асуудлыг шийдэлтэй нь холбосон томилолт

Монгол Улсынхаа гадаад бодлогын жолоог атгаж, олон улсын харилцааны эгзэгтэй асуудлуудад эх орноо төлөөлдөг хүндхэн үүрэгтэй Гадаад хэргийн сайд Б.Батцэцэг нь УИХ-ын чуулганы завсарлагаанаар төрөлх Баянхонгор аймгаа тойрон сум бүрт очиж тойргийн иргэдийн аж байдалтай танилцаж ажиллаж байна. Түүний хувьд олон улсын улс төр, эдийн засгийн тавцанд Монгол Улсаа төлөөлдөг шигээ сонгогдсон тойрогтоо Үндсэн хуулиар хүлээсэн үүргээ биелүүлэн иргэдтэйгээ нүүр тулан, асуудал бүрт ажил хэрэгчээр ханддаг гэдгийг уулзалт бүр иргэд илэрхийлж байлаа.Жишиг болох зорилтСайдын томилолт аймгийн Нэгдсэн эмнэлгийн үйл ажиллагаатай танилцсанаар эхэлсэн юм. Өнгөрсөн есдүгээр сард ашиглалтад орсон шинэ Амбулаторийн барилга болон бүрэн цахимжсан үйлчилгээ нь Баянхонгор аймаг эрүүл мэндийн салбартаа улсын хэмжээнд жишиг болж байгааг бататгав. Уулзалтын үеэр эмч нарын ур чадварыг гадаад, дотоодын мэргэшсэн сургалтад хамруулах замаар дэмжихээ илэрхийлж, нярай болон бага насны хүүхдүүдийн амьсгалын замын өвчлөлөөс сэргийлэх “Lifotronic” аппаратуудыг бэлэглэсэн юм. Түүнчлэн түүний хувьд зөвхөн орчин үеийн анагаах ухаан төдийгүй уламжлалт тэжээхүй ухааны үнэ цэнийг онцлохын зэрэгцээ, ламын гэгээний нутаг гэдгээрээ бахархдаг хонгор нутгийн залуу эмч нартай уулзахдаа, Хангайн бүсийн рашаан усыг түшиглэн "Эмчилгээний аялал жуулчлал"-ыг хөгжүүлэх, эмч нарыг Япон, Чех, БНХАУ-д туршлага судлуулах гүүр нь болохоо амлав.Сумдын бие даасан хөгжил: Төсөв харалгүй бүтээн байгуулсан Эрдэнэцогт ба Өлзийтын амжилтТомилолт Эрдэнэцогтод саатах үеэр тус сумынхан улсын төсвийн санхүүжилтийг хүлээж суулгүйгээр өөрсдийн нөөц боломжоо ашиглан 12 айлын орон сууц барьсан нь үнэхээр бахдам үйл явдал байлаа. Харин үүнийг нь Сайд Б.Батцэцэг"Зөвхөн төрөөс харалгүй, дотоод нөөцөө нэгтгэх нь сайн үр дүнд хүргэж буйн жишээ энэ" хэмээн сайшааж, тус сумын 100 жилийн ой болон дэд бүтцийн асуудлыг бүсийн хөгжлийн төлөвлөгөөнд тусгахаар боллоо.Харин Өлзийт сумын хувьд "Сумын төвийн шинэчлэл" төслөөр тав тухтай орчин бүрдүүлж, шилжилт хөдөлгөөнийг нааш нь татаж чадсан амжилтаараа бахархуулав. Гэвч хүн амын өсөлтийг дагаад багшийн хомсдол, дотуур байрны хүрэлцээ зэрэг хүндрэлүүд байгааг сайд газар дээр нь тэмдэглэн авч, Засгийн газрын түвшинд асуудлыг уламжлахаар тохирлоо.Баянхонгорын ирээдүйн "Ханбогд" бол Шинэжинст сумТомилолт явсаар Шинэжинст суманд ирлээ. Харин энэ үеэр Сайд Б.Батцэцэг Баянхонгор аймгийн хөгжлийн гол зангилаа, ирээдүйн "Ханбогд" бол “Шинэжист” хэмээн тодорхойлж байлаа. Учир нь эрдэс баялгийн стратегийн орд газрууд, төмөр зам, авто замын бүтээн байгуулалтыг дагаад тус сум аль хэдийн эдийн засгийн чадавхиараа аймагтаа бусад сумдаа тэргүүлж эхэлжээ. Харин тойргоос нь сонгодсон гишүүний зүгээс уул уурхайн баялгийн өгөөжийг Үндсэн хуулийн үзэл баримтлалын дагуу иргэдэд хүртээмжтэй, байгаль орчинд ээлтэй байдлаар ашиглах ёстойг иргэдтэй уулзахдаа хатуу сануулаа. Томилолтын явц ч зөвхөн ажил хэрэгчээр үргэлжлээд байсангүй. Гадаад хэргийн  сайд Б.Батцэцэг сум бүрээр орохдоо хүмүүнлэгийн үйлс болон нийгэм соёлыг түгээгчдийг онцгойлон дэмжиж байлаа.  Тухайлбал Улаан загалмай хорооны үйл ажиллагаатай танилцахдаа хүмүүнлэг нийгмийг төлөвшүүлэхэд иргэд, ялангуяа эмэгтэйчүүдийн манлайлал чухал гэдгийг дурдлаа. Үүний нэг жишээ болох Богд сумын иргэн Ж.Цэвээн нь хэдийгээр тэтгэвэрт гарсан ч үйлдвэрлэл эрхэлж, залууст үлгэрлэж буйг нь магтан сайшаав.Харин орон нутгийнхаа залуучуудтай уулзахдаа тэрээр нэгэн шинэлэг санаачилга гаргасан нь: Гадаад харилцааны яамны "Залуу дипломатчдын клуб"-ийг Баянхонгорын залуучуудтай холбож, олон улсын харилцааны оюутнууд нь төрөлх нутагтаа ирж англи хэл заах, дадлага хийх боломжийг бүрдүүлэхээр боллоо. Мөн Баянцагаан сумын байгаль хамгаалах сайн туршлагад үндэслэн нэг залууг Япон улсад мод үрслүүлгийн чиглэлээр сургалтад явуулахаар шийдвэрлэсэн нь иргэдийн талархлыг ихэд хүлээлээ.Цаашид шийдвэрлэх асуудлуудТойргоос нь сонгогдсон гишүүн хувьд томилолтоор явахдаа сум бүрийнхээ тулгарч буй хүндрэлийг тойрсонгүй. Тухайлбал аймгийн төвийн шинэ ДЦС-ын ажил таг зогссон, агаарын бохирдол дээд цэгтээ хүрсэн, малчдын нийгмийн даатгалын асуудал зэрэг асуудлыг хурдан, түргэн шийдвэрлэхийг иргэд түүнд даалгав. Мөн Онцгой байдлын газарт туулах чадвар сайтай автомашин хүлээлгэн өгөхдөө, төрийн албан хаагчдын ажиллах орчин, орон тооны цомхотгол сумдад төвөг учруулж байгааг анхааралдаа авч, Засгийн газрын түвшинд нухацтай хэлэлцэхээ илэрхийллээ. "Орон нутгийн сонгогчид гишүүдээ 'дөрвөн жилд нэг үзэгддэг' хэмээн шүүмжилдэг нь нууц биш. Гэхдээ бас төрийн өндөр хариуцлага, Засгийн газрын нүсэр ажлын хажуугаар тойргийнхоо иргэдтэй тогтмол амьд холбоотой ажилладаг улс төрчид бий. Үүний нэг жишээг Гадаад хэргийн сайд Б.Батцэцэгийн Баянхонгор аймаг дахь томилолт харуулсан гэхэд хилсдэхгүй. Учир нь тус томилолт нь зүгээр нэг үзэгдээд өнгөрөх сонгуулийн ажил бус, харин төрийн бодлогын хэрэгжилтийг газар дээр нь хянаж, орон нутгийн тулгамдсан асуудлыг шийдэлтэй нь холбосон бодит ажил хэрэгч томилолт боллоо гэдгийг иргэд илэрхийлж байлаа.