А.Ариунзаяа: Статистик тоог ашиглаж, төрд буй мэдээ,мэдээллийг амилуулан  бодлого шийдвэрт ашиглах ёстой!

Статистикийн тухай хуулийн шинэчилсэн найруулга дээр Үндэсний статистикийн хороотой хамтран ажиллаж,  d.parliament-д олон нийтэд нээлттэй тавьж санал аван ажиллаж байна. Өнөөдөр бид нар статистик тоог ашиглаж, төрд байгаа мэдээ мэдээллийг амилуулан  бодлого шийдвэрт ашиглах ёстой.Суманд хөдөө, аж ахуй, мал эмнэлэгийн 5 мэргэжилтэн байхад тухайн сумын нутаг дэвсгэрт байгаа малын тоон мэдээллийг хөтөлж болох уу? Заавал жилд нэг тооллого, хагас жилд завсрын тооллого явуулах шаардлага бий юу?Гэтэл мал эмнэлэгийн захиргааны мэдээллийг МАЛ ТООЛЛОГО-д ашиглаж болно. Инфляци буюу үнийн өсөлтийг хэрхэн тооцох вэ? Өргөн хэрэглээний бараа, бүтээгдэхүүний сагсанд тооцогдох бараа, бүтээгдэхүүний үнийг сард болон долоо хоног бүр тогтсон цэгт очиж бичилт хийж авах шаардлага өнөө цагт зөв үү? Аль эсвэл НӨАТ төлөгч буюу И-Баримт олгож байгаа бүхий л дэлгүүрүүдийн REAL-TIME BIG DATA дээр суурилж буюу Ибаримтын мэдээлэлд суурьлан үнийн хэлбэлзлийг гаргах нь зөв үү?  Ийм захиргааны олон мэдээллийг ашиглан цаг, хүч хөдөлмөр, төсөв хөрөнгө хэмнэх болон илүү хурдтай, илүү оновчтой статистикийн мэдээлэл боловсруулах боломжтой гэж үзэж байна. Иймд уламжлалт аргаасаа татгалзаж, цаг хугацаа, хөрөнгө, мөнгө хэмнэх зорилготой Статистикийн тухай хуулийн төсөл дээр ажиллаж байна. Иргэдийн хувьд ЭНД дарж хуулийн төсөлтэй танилцах, санал өгөх боломжтой.