Та бүгддээ ардчилсан Үндсэн хууль батлагдсаны 34 жилийн ойн мэндийг өргөн дэвшүүлье

Монгол Улсын тусгаар тогтнол, хүний эрхийн баталгаа болсон ардчилсан Үндсэн хуулийг 1992 оны Нэгдүгээр сарын 13-ны өдрийн 11 цаг 35 минутад баталж, мөн оны Хоёрдугаар сарын 12-ны өдрийн 12 цагаас буюу XVII жарны усан бичин жилийн хаврын тэргүүн сарын хар барс сарын шинийн есний идрийн барилдлагаатай өлзийт сайн шар морин өдрийн морин цагаас улс даяар дагаж мөрдөж байжээ. Үндсэн хууль бол тухайн улсын “иргэний үнэмлэх” гэж үзэж, тухайн улсын нийтлэг үнэт зүйл, хөгжлийн чиг баримжааг илэрхийлж байдаг. Үндсэн хуульт ёс, Үндсэн хуулийн дархлаа тухайн улсын ард түмний ухамсар, оюун санаанд бойжиж, хамгаалагдаж байдаг билээ. Иймд 1992 оны Үндсэн хуулийн үзэл санаа, түүнд тусгагдсан үнэт зүйл, нийтийн тохиролцоо /нийгмийн гэрээ/-г улам тодотгон амилуулах, хамгаалах нь энэ цагийн бидний эрхэм үүрэг билээ. Та бүгддээ ардчилсан Үндсэн хууль батлагдсаны 34 жилийн ойн мэндийг өргөн дэвшүүлье