УИХ-ын асуулгын цаг сар бүрийн сүүлийн долоо хоногийн баасан гарагт 14:00 цагт болдог. Энэ удаагийн асуулгын цагаар 2026.10.30/-ны “ТӨСӨВ: ХУЛГАЙЛАГДСАН ХАРИУЦЛАГА” сэдвээр УИХ дахь Ардчилсан намын бүлгийн гишүүд Ерөнхий сайдтай мэтгэлцсэн. Мөн намын бүлгийг төлөөлж гишүүд асуулт асуулаа.
УИХ-ын гишүүн Г.Уянгахишиг:
Нэгдүгээрт, Өнгөрсөн 7 хоногт ОТ-н ноогдол ашгийг тойрч нэлээн их талцал, янз бүрийн саналууд яригдлаа. Үүнтэй холбоотойгоор 2 асуудлыг хөндөж тавих гээд байна. Нэг нь шинэлэг зохицуулалт нөгөөдөх нь мартагдсан зохицуулалт. Эхнийх нь Үндэсний баялгийн сангийн тухай хуулийн 10.3 дугаар зүйл. Өөрөөр хэлбэл бодлогын хүүгээс доошгүй өгөөжтэй, санхүүгийн хэрэгсэлд хөрөнгө оруулалт оруулж болно буюу нөгөө ноогдол ашиг маань хуримтлалын сандаа орох ёстой. Хуримтлалын сангийн хөрөнгийг харин санхүүгийн хэрэгсэлд хөрөнгө оруулах замаар төсөл хөтөлбөрүүдийг санхүүжүүлэх боломжтой. Өнөөдөр ОТ-н ноогдол ашиг хуваарилагдаад ороод ирлээ гэхэд хуримтлалын сан руугаа орно. Тэгвэл хуримтлалын санд байгаа мөнгийг өнөөдөр Монгол банкийг алдагдалд оруулан байж ипотекийн зээл рүү оруулах ёстой юу эсвэл эрчим хүчнийхээ төсөл хөтөлбөр лүү өгөөжийн тооцоод оруулах боломжтой юу? ЗГ-ын бодлого төлөвлөгөө юу байна вэ?
Хоёрдугаарт Ашигт малтмалын тухай хуулийн 5.6 гэж байна. Энэ мартагдсан зохицуулалт болчхоод байна. Өөрөөр хэлбэл өнөөдөр ЭТТ, Эрдэнэт, өнөөдөр ОТ ашигтай ажиллаж эхэлж байгаа учраас ОТ дээр мөн адил биржээр бүртгэгдсэн 10%-аа олон нийтэд санал болгох боломжтой нээлттэй компани болох ёстой. Үүн дээр ЗГ-ын төлөвлөгөө, бодлого нь юу байна вэ? Үүнтэй холбоотойгоор бид баталсан ТӨК-ийн засаглалын тухай хууль байгаа. Энэ хууль дээр 7.1 дээр ТӨК-ийн талаар баримтлах өмчлөлийн бодлогыг ЗГ-ын өргөн мэдүүлснээр УИХ батална гэчихсэн. Тэгэхээр ЗГ эдгээр ТӨК-ийн өмчлөлийн бодлогоо тодорхойлж оруулж ирнэ. Тэгээд Их хурлаар батлуулна. ЗГ нээлттэй болгох тал дээр ямар бодлого төлөвлөгөө байна вэ?