Ж.Золжаргал: Гишүүдийн цалинг бууруулбал жилд 5 тэрбумийг хэмнэнэ, харин ТӨК-иуд, төрийн худалдан авалтыг улстөрчдөөс холдуулбал “хэдэн мянган тэрбум”-ийг хэмнэнэ

УИХ-ын гишүүний ажил эрхлээгүй  12 сарын тэтгэмжийг хүчингүй болгох иргэдийн өргөдлийг судлах ажлын хэсэг байгуулагдсан. Тодруулбал, Монгол Улсын Их Хурлын тухай хуулийн 41 дүгээр зүйлийн 41.9 дэх хэсэгт “Хэрэв гишүүн бүрэн эрх дуусгавар болсноос хойш ажил эрхлээгүй бол 12 сарын хугацаанд гишүүний үндсэн цалинтай тэнцэх хэмжээний тэтгэмж, бага цалинтай ажилд орсон бол цалингийн зөрүүтэй тэнцэх хэмжээний тэтгэмж, ...олгоно” гэсэн заалтыг хүчингүй болгох өргөдлийг хэлэлцэн, тус асуудлыг судалж, санал дүгнэлт боловсруулах үүрэг бүхий ажлын хэсгийг байгуулгдан ажиллаж байгаа.  Үүнтэй зэрэгцэн нийгмээрээ УИХ-ын гишүүдийн цалинг бууруулах талаар шуугиад эхэлсэн. Энэ талаар УИХ-ын гишүүн Ж.Золжаргал дараах байр суурийг илэрхийллээ.Тэрээр,  УИХ-ын гишүүдийн цалинг бууруулбал жилд 5 тэрбумийг хэмнэх байх. Төрийн өмчийн компаниуд, төрийн худалдан авалтыг улстөрчдөөс холдуулбал “хэдэн мянган тэрбум” хэмнэхээс гадна мөнгө хийх гэсэн хүмүүс  улстөр руу орж ирэхээ болино. Ийшээ л зорих хэрэгтэй байна даа хүмүүсээ.