Б.Найдалаа: Эрүүл мэндийн даатгалын сангаа эрүүлжүүлэхэд УИХ-ын ХХНББХ манлайлан ажиллана

Өчигдөр өглөөний /2025.11.06/ чөлөөт уулзалтаар Хүний хөгжил, нийгмийн бодлогын байнгын хорооны гишүүд ЭМДС-г тойрсон асуудлаар ЭМД-ын Үндэсний зөвлөлийн гишүүдтэй ярилцлаа. Эрүүл мэндийн сайд Ж.Чинбүрэн сангийн тогтолцоог бүрэн шинэчлэх, Эрүүл мэндийн даатгалын тухай хуульд нэмэлт өөрчлөлт саналуудаа дэлгэрэнгүй танилцуулав. Уулзалтаар,ЭМДС-г улс төрөөс ангид, ямар нэг яам, агентлагийн харьяалалд бус, бие даасан инстутици байлгахЭМДС-аас бүгдийг даадаг явдлыг болих. Хамтын төлбөрийн хэлбэрийг судалж, хавсарч хэрэгжүүлэх ЭМД-ын сангийн хуульд нэмэлт өөрчлөлт оруулах төслийг ирэх онд багтаан батлуулах, Даатгалын санхүүүжилтийн нэхэмжлэл, гүйцэтгэлийн хяналтын тогтолцоог сайжруулах ЭМДҮЗ-ийн бүтцэд даатгуулагч, ажил олгогч талаас ялангуяа олон ажиллагсадтай топ татвар төлөгч хувийн хэвшлээс төлөөлөл оруулахад анхаарах зэрэг саналууд гарч байв.Хүний хөгжил, нийгмийн бодлогын байнгын хорооны дарга Б.Найдалаа ЭМДС-г шинэчлэх ажлыг бүрэн дэмжиж байгаа бөгөөд ажлын хэсэг байгуулан манлайлан ажиллана гэдгээ илэрхийлэв.