Б.Найдалаа: Багш, эмч нарыг жагсахад хүргэж байгаа нь үе үеийн Загсийн газрын бодлогын алдаа

Хүний хөгжил, нийгмийн бодлогын байнгын хороо, Төсвийн байнгын хорооны өнөөдрхийн /2025.10.21/хамтарсан хуралдаанаар  нийтийн ашиг сонирхлыг хөндсөн асуудлаар гаргасан иргэдийн өргөдөл буюу эмч, багш нарын цалинг нэмье гэсэн асуудлаар ажлын хэсэг байгуулах талаар хэлэлцлээ.Хэлэлцэж буй асуудалтай холбогдуулан гишүүд үг хэллээ.УИХ-ын гишүүн ХХНББХ-ны дарга Б.Найдалаа: Асуудал болоод алдаа нь юу вэ гэдэгт заавал дүгнэлт хийх ёстой. Энэ бол бодлогын алдаа. Үе үеийн Засгийн газрын алдаа. Төлөвлөгөөн дээрээ эмч, багш нар чухал гэсэн хэрнээ цалинг нь нэмсэн төсвийг гаргадаггүй, шийдвэр гаргадаггүй. Сүх далайтал Үхэр амгалан гэж үг бий. Үүнтэй адил ганхаж явсаар багш, эмч нараа жагсахад хүргэчихэж байгаа юм. Үүнийгээ бүгд зөвшөөрөх ёстой. Цаасан дээр байгаа ч Монгол Улсад эмч, багш нарын үнэлэмжийг нэмье гэсэн хүсэл байхгүй.Төсөв боловсруулж байгаа хүмүүс инфляцаас болоод төсөв хүрэхгүй байна гэж ярьж байгаа. Ийм зүйлийг УИХ-ын чуулган дээр ярихгүй. Хэрэв бодлого нь байвал эх үүсвэрийг олж болно. Инфляц цалингаас биш өөр зүйлээс болж байгаа шүү.Шийдлийг 2 хүрээнд хармаар байна. Үүнийгээ ялгаж харахгүй бол улс төрийн тэмцэл болгоод аль ч гүй болно.Ирэх 2026 оны төсөвт жагсагчдын шаардлагыг хангасан байдлаар нэмэх ёстой. 14 хоногт шийдэж болно.Ирэх 5 жил ямар байх ёстой гэдгээр бодлогоо гаргаж, бодлогын алдаагаа засах ёстой.