Өнөөдөр Монгол Улсын Баатар Эрдэнэт үйлдвэрийн төрсөн өдөр тохиож байна

Монгол Улсын нийгэм эдийн засагт үеийн үед үнэтэй хувь нэмэр оруулж, хүнд хэцүү цаг бүрт ачааны хүндийг үүрэлцэж ирсэн Эрдэнэт үйлдвэр маань анхны баяжмалаа гаргаснаас хойш 47 жилийн түүхээ бүтээж байна. Монгол Улсын хувьд гадаадын хөрөнгө оруулалтын хамгийн оновчтой, үр ашигтай жишиг болсон бүтээн байгуулалт байсан.Анх 4 сая тн хүдэр боловсруулах хүчин чадалтай эхэлж байсан үйлдвэр өнөөдөр 40 сая тн хүдэр боловсруулах хүчин чадалтай боллоо. Энэ сайхан үйлдвэртэй хувь заяагаараа холбогдож, ажил хөдөлмөрийнхөө 8 жилийг уурхайчидтайгаа хамт баялаг бүтээх их үйлсэд зориулж, төрөлх үйлдвэрээ Монгол Улсын Баатар үйлдвэр болох цаг хугацааны түүхийг хамтдаа бичилцсэндээ үргэлж бахархдаг даа. Эрдэнэт үйлдвэрийнхээ шавыг тавьсан анхдагч илгээлтийн эзэддээ, энэ их үүх түүхийг бүтээж, баялаг бүтээн байгуулалтыг хийж ирсэн үе үеийн удирдлага, уурхайчид хамт олондоо Эрдэнэт үйлдвэр анхны баяжмалаа гаргасны 47 жилийн ойн баярын мэндийг өргөн дэвшүүлье!