Хүмүүнлэгийн үйлсэд нэгдэв

“Монголын төмөр зам” ТӨХК-ийн төв оффисын төв оффисын ажилтан, албан хаагчид жил бүрийн 6 дугаар сарын 14-нд тохиодог "Дэлхийн цусны донорын өдөр"-ийг угтан, хүмүүнлэгийн үйлсэд анх удаа нэгдэж, цусаа хандивлах аяныг амжилттай өрнүүллээ.Уг аяныг Цус сэлбэлтийн үндэсний төв (ЦСҮТ) болон Сүхбаатар дүүргийн Улаан загалмайн хороотой хамтран зохион байгуулж, компанийн удирдлагууд болон ажилтан, албан хаагчид идэвхтэй хамрагдлаа. Төв оффисын хамт олны бэлэглэсэн цус нийт 120 хүний эрдэнэт амь насыг аврах, эрүүл мэндийг дэмжих боломжийг бүрдүүлсэн байна. “Монголын төмөр зам” ТӨХК нийгмийн хариуцлагаа ухамсарлаж, бусдын амь насыг аврах, цусны нөөцийг нэмэгдүүлэх энэхүү үйл ажиллагааг цаашид уламжлал болгон зохион байгуулахаар төлөвлөж байна.Бусдын амьдралд гэрэл гэгээ бэлэглэж, хүмүүнлэгийн аянд сэтгэл зүрхээрээ нэгдсэн нийт хамт олондоо гүн талархал илэрхийлье!