Улаанбаатар хотноо болох "Дундговийн Айрагны баяр-2025"-ыг дэмжин ажиллана

УИХ-ын гишүүн Ц.Мөнхбат, Р.Эрдэнэбүрэн нар ирэх есдүгээр сарын 11-13-ны өдрүүдэд зохион байгуулагдах "Дундговийн Айрагны баяр-2025"-ыг дэмжин ажиллана.Айраг гэдэг ашигтай бактери, шим тэжээлээр баялаг сайхан, амьд, үндэсний ундаа. Энэ сайхан ундааг дагаж Дундговьд илүү их хөгжсөн, үеийн үед залгамжилж ирсэн соёл бол АЙРАГНЫ СОЁЛ. Айрагны соёлын нөлөөгөөр олон сайхан урлаг соёлын алдартнууд Дундговиос төрдөг. Энэ удаагийн айрагны баяраас эхлээд нутгийн алдартнуудынхаа уран бүтээлээр гоёж, тэднийгээ улам алдаршуулж, Дундговь нутгийнхаа өв соёл, айраг цагаан идээг сурталчилж, эдийн засаг, нийгэм, урлаг, соёлын өргөн агуулгатайгаар Дундговийн айрагны баяраа зохион байгуулж байхаар шийдвэрлэжээ.