Х.Тэмүүжин: Хэмжигдэхгүй, хийсвэр ойлголтоор хүнийг яллах байдал ардчилсан нийгэмд байж болохгүй!

УИХ-ын гишүүн Х.Тэмүүжин нарын өнгөрсөн хаврын чуулганаар өргөн мэдүүлсэн Эрүүгийн хуульд нэмэлт, өөрчлөлт оруулах тухай хуулийн төслийн хоёр дахь хэлэлцүүлэг  боллоо. Хэлэлцүүлэгт Хууль зүй, дотоод хэргийн яам болон түүний харьяа агентлагууд, судлаач, эрдэмтдийн төлөөлөл оролцов.Өмнөх хэлэлцүүлэгт Монголын Хуульчдын холбооны гишүүн хуульчид, судлаач, шүүгч, прокурор, өмгөөлөгч, хуульчид болон иргэдийн төлөөлөл оролцож байсан юм.УИХ-ын гишүүн Х.Тэмүүжин:Нийгмийн аюул, нийгмийн дэг журам гэх ойлголт бусад хууль дээр бичигдэх бол аюул биш. Харин Эрүүгийн хууль дээр бичээд хэмжигдэх боломжгүй, хийсвэр ойлголтоор хүнийг яллана гэдэг бол ИРГЭНИЙ ЭРХИЙН ХУВЬД МАШ ТОМ АЮУЛ.Өргөн мэдүүлээд байгаа Эрүүгийн хуулийн нэмэлт, өөрчлөлтөд "Нийгмийн аюулын шинж чанар, хэр хэмжээ" гэдэг үгийг засах орсон. 2015 онд судалгаа хийж, хуулийн байгууллагуудтай нилээд хэлэлцэж байгаад Эрүүгийн хуулиас энэ ойлголтыг халсан боловч 2017 онд буцаагаад оруулаад ирсэн. Одоо энэ үгийг ашиглаад ял оноох байдал 100 хувь байна. Хэмжигдэхгүй, хийсвэр ойлголтоор хүнийг яллаж болохгүй. Ардчилсан нийгэмд ийм байж болохгүй. Даргыг шүүмжлээд байгаа учраас гэмт хэрэг байна гэж үзэх юм уу?! Энэ ойлголт социализмын үеийн уламжлалт ОЙЛГОЛТ.Хавтгайруулсан ерөнхий нэр томъёогоор иргэний эрхийг хязгаарлаж, зөрчиж байна гэдэг Үндсэн хуулийн бус үзэгдэл. Бид үүнийг ЗАСАХ ЁСТОЙ!