Байр суурь2 мин унших
Одоохон...
Одоохон...
Байр суурь2 мин унших
Сэтгүүлч Б.Цэцэгсүрэн
УИХ-ын чуулганы /2026.06.04/-ний өдрийн хуралдаанаар Мансууруулах эм, сэтгэцэд нөлөөт бодисын эргэлтэд хяналт тавих тухай хууль /Шинэчилсэн найруулга/-ийн төсөл болон хамт өргөн мэдүүлсэн хуулийн төслүүдийг хэлэлцлээ.
Хэлэлцэж буй асуудлаар УИХ-ын гишүүн Х.Ганхуяг дараа асуудлыг тодрууллаа.
Хорих ангиудад ихэвчлэн мансууруулах бодисын хэрэглэгчид байдаг гэх мэдээлэл бий. Хуулийн шинэчилсэн найруулгаар борлуулалтын сүлжээг нь илрүүлэх, ялын бодлогыг чангаруулах агуулга орж ирсэн гэж ойлгож байна. Хэвлэл мэдээллээс борлуулалтын ийм сүлжээг илрүүллээ гэдэг мэдээлэл ерөөсөө харсангүй. Ний нуугүй хэлэхэд борлуулна, авна гэсэн мэдээлэл нийгмийн сүлжээнд их явдаг. Хууль хяналтын байгууллагаас ч энэ талаар өгсөн мэдээлэл байдаггүй. Томоохон хэмжээний аян зарлаад, хэдэн хэрэглэгчийг нь аваачаад хорьчихдог.
1. Тэгэхээр өнөөдрийг хүртэл хэчнээн сүлжээ илрүүлсэн бэ?
2022 онд согтууруулах ундааны хяналтад тавих хуулиуд баталсан. Би ажлын хэсэгт нь орж ажилласан. Донтолтын эсрэг сан байгуулаад онцгой албан татварын тодорхой хэмжээг тэр сан руу оруулж эмчилгээнд зориулах хууль баталсан байдаг. Хэрэгжилт, явц ямар байгаа мэдээлэл мөн л алга. ЭМД-ын сангаас архидан согтуурах донтолтын эсрэг эмчилгээнд мөнгө зарцуулаад явж байгаа л гэж яриад байна. Үүнд тайлбар авъя.
2. Хар тамхины эмчилгээг СЭМҮТ-эд л хийх байх. Санхүүжилт нь тэр сангаас гарах уу?
3. Манай эмч нарын чадамж, боловсон хүчний нөөц ямар байгаа талаар мэдээлэл авъя?
4. Гадаадад тодорхой хэмжээний мансууруулах бодис, эм зөвшөөрөгдсөн байдаг. Эдгээрийг DHL болон бусад байдлаар оруулж ирдэг гэх асуудал бий. Энэ нь олон хэлбэрээр зөөвөрлөгдөн орж ирж байна. Чихэр, жимс, ундаа, веп гэх мэт. Үүн дээр тавих хяналт байна уу?
Түүний асуултад ХЗДХ-ийн сайд С.Амарсайхан хариуллаа.