#Тойрог2 мин унших
Баянгол дүүргийнхээ эрүүл мэндийн салбарын 1000 эмч, эмнэлгийн ажилтан, мэргэжилтэнтэй уулзлаа
Сэтгүүлч
Одоохон...
#Тойрог2 мин унших
Сэтгүүлч

УИХ-ын гишүүн Х.Ганхуяг 2024–2026 онд салбарт хийсэн хөрөнгө оруулалт, хэрэгжүүлсэн ажил, хууль эрх зүйн шинэчлэл болон тойрогтоо хийж буй бүтээн байгуулалтын ажлаа тайлагналаа. Энэ өдөр зөвхөн ажлаа тайлагнасан өдөр байсангүй. Эрүүл мэндийн салбартаа олон жил үр бүтээлтэй ажилласан эрхэм хүмүүст төрийн дээд болон салбарын шагнал гардуулж, эмнэлгийн байгууллагуудын өдөр тутмын үйл ажиллагаанд нэн шаардлагатай тоног төхөөрөмжүүдийг хүлээлгэн өглөө.


Тодруулбал, улсын хэмжээний лавлагаа шатлалын эмнэлгүүд болох Улсын гуравдугаар төв эмнэлэг, Эх, хүүхдийн эрүүл мэндийн үндэсний төвд алсын дуудлага, тусламж үйлчилгээнд ашиглах, туулах чадвар сайтай, бүрэн тоноглогдсон автомашинуудыг гардууллаа.
Мөн Баянгол дүүргийн эмнэлгүүдийн хэрэгцээнд тулгуурлан:
• 86 инчийн ухаалаг дэлгэц
• Суурин компьютер
• Проектор
• Өнгөт принтер
• Ургийн зүрхний бичлэгийн аппарат
• Эмэгтэйчүүдийн үзлэгийн ор
• Өвчтөний ор
• Ургийн допплер
• Даралт хэмжиж, үр дүнг хэвлэн гаргах суурин аппарат
• Барокамер
• Давсагны дурангийн иж бүрдэл
• Бөөр, шээсний замын чулуу бутлагч аппарат
• Мэс заслын ор
• Мэс заслын вакуум өрөөний тоног төхөөрөмж
• Ухаалаг индэр
• Сургалтын муляж зэрэг тоног төхөөрөмжүүдийг олголоо.

Үүнээс гадна Эх хүүхдийн эрүүл мэндийн үндэсний төвийн ногоон байгууламжийг сайжруулах ажилд хувийн хөрөнгөөс 130 сая төгрөг, Баянгол дүүргийн эрүүл мэндийн төвд 100 сая төгрөг, УБТЗ ХНН-ын эмнэлэгт 30 сая төгрөгийн хөрөнгө оруулалт хийх батламж гардууллаа.