Байр суурь3 мин унших
С.Одонтуяа: Архидалтын асуудлыг шийдэхгүйгээр аз жаргалтай, амар амгалан, тогтвортой гэр бүлийг бий болгоход хэцүү!
Сэтгүүлч Б.Хонгорсайхан
Одоохон...
Байр суурь3 мин унших
Сэтгүүлч Б.Хонгорсайхан
Хэлэлцэж буй асуудалтай холбогдуулан гишүүд асуулт асууж, байр сууриа илэрхийллээ.
УИХ-ын гишүүн С.Одонтуяа:
Гэр бүлийн талаар Монгол төрийн бодлого алдагдсан тухай Ц.Мөнхтуяа гишүүн сайн хэллээ. Энэ дээр 100% санал нийлж байна. Манай улсын гол баялаг гэр бүл. Хүн ам зүйн бодлого, гэр бүлийн бодлого тэргүүлэх бодлого байх ёстой. Бид нар хэт цөөхүүлээ. Тийм учраас аль болохоор олон хүүхэд гаргаж байгаа хүмүүстээ таатай нөхцөлийг бүрдүүлж өгөх ёстой. Би 100% дэмжиж байгаа. Нэг зүйлд санаа зовж байгаа нь юу вэ гэхээр төрөөс төсөвт ямар ч дарамт болохгүй гээд байна л даа. Монгол гэр бүлээ дэмжихдээ мөнгө төгрөг зардаггүй юм уу. Төсөвт хулгай зэлгий хийхдээ өчнөөн 1 тэрбум их наядаар нь тавиад л байх юм байна лээ. Өчнөөн хэрэггүй орон тоо гээд тавиад л байх юм билээ. Тэгээд монгол гэр бүл дэмжихэд төсвөөс дарамт болохгүй гэхээр би энэнд гонсойж байна. Гэр бүлийн боловсрол чухал. Би үүнийг 100% дэмжиж байгаа. Тэгэхдээ энэ дорвитой реформ болж чадахгүй шүү. Т.Аубакир сайд аа энэ удаагийн парламент гэр бүлийг дэмжсэн дорвитой реформтой болмоор байна. Энэ их ойртсон. Яагаад гэхээр Алтангэрэл гишүүнээр ахлуулаад гэр бүлийн тухай хуулийгби ажлын хэсэгт орсон нэлээн нухаж байж гайгүйдүү л хууль болсон гэж харж байгаа.
Би олон удаа алдарт эхийн одонтой ээжүүдэд одон медаль гардуулж байсан. Би хараад өрөвддөг, дотроо хайрладаг юм. Энэ хүмүүс яаж 4 хүүхэд өсгөсөн, яаж 6 хүүхэд өсгөсөн бол гэж. Хүүхэд өсгөхөд Монголд тулгамдсан асуудал чинь хүүхэд харах хүн олдохгүй байгаа. Монгол залуучууд, эмэгтэйчүүд, хүүхэд харах зах зээл төдийлөн байдаггүй, олддоггүй энэ зах зээл хоосон. Энэ асуудлыг энэ хуулиараа шийдэж болохгүй юм уу? Эцэг эхээрээ харуулж байна, эцэг эх дараа дараагийн өөр асуудлууд үүсээд байгаа. 3 дээд сургууль төгсчхөөд гэртээ 6 хүүхэд хараад насаараа хүүхэд хараад сууж байна. Энэ нийгмийн асуудал шүү дээ. 2 дахь асуудал нь би нэлээн олон жил судалсан юм аа. 3 дахь хүүхэд дээр онцгой ач холбогдол өгдөг юм байна. Манай хөршүүд дээр 3 дахь хүүхэд гарахад байрны засвар юм уу эсвэл байраа томруулахад хүсэлт гаргавал энэ дээр тодорхой дэмжлэг үзүүлдэг. Энэ талаар асуудлууд орсон уу? би ипотек ойлгочихлоо. Гэхдээ энэ чинь их л хэцүү юм байна. Яагаад гэхээр ипотекийн зээлийн нийлүүлэлт чинь ямар байгаа билээ. Заавал шинэ байр авах гэсэн хүн байхгүй. Хуучин 2 өрөө байраа 3 өрөө болгоё ч гэдэг юм уу эсвэл засвар хийе гэдэг л дээ.
Үүнийг амжилттай хэрэгжүүлсэн туршлага байна, надад бүхэл бүтэн судалгаа нь байна. Энэ асуудал дээр судалсан юмнууд байгаа юу? 3 дахь асуудал гэр бүл хүүхдийн тусламжийн утас өдөрт 250-аас 350 хүүхэд хандаж байна. Энэ юу гэсэн үг вэ гэхээр тэр айлд өдөр бүр шүү дээ, монголын амьдралд өдөр бүр 350 ээж зодуулж нүдүүлж байгаа. Алахын наагуур юм болж байж хандаж байгаа. Зарим нь хандахгүй. 600 700 хүүхэд өнөөдөр зодуураас айгаад тусламжийн утсанд хандаж байна. Энэ архидалтын асуудлыг өнөөдөр Монгол улс шийдэхгүйгээр аз жаргалтай гэр бүл, амгалан тайван гэр бүл гэдэг чинь үнэхээр хэцүү шүү Аубакир сайд аа. Үүнийг бусад хуулиудтай уялдуулж цогцоор шийдэхгүй бол энэ дэмий. Хүүхдийн мөнгөө аваад ажил хийхгүй архи уугаад гэр бүлийн хүчирхийлэл үйлдэж байгаа түмэн хүмүүс байна. Энэ хэдэн хүнээ зохицуулж болдоггүй юм уу? Хавтгайруулаад өгөөд байдаг аваад архи уугаад байдаг.