Инновац, цахим бодлогын байнгын хорооны /2025.01.14/-ний өдрийн хуралдаанаар Хилийн чанад дахь Монгол иргэдийн төрийн цахим үйлчилгээний И-Монгол системийг ашиглах боломж, цахимаар сонгуульд оролцох эрхийг хангах талаар Сонгуулийн ерөнхий хорооны дарга, Үндэсний дата төв болон И-Монгол академийн захирлын мэдээллийг тус тус сонслоо. Уг мэдээлэлтэй холбоотойгоор гишүүд асуулт асууж, үг хэллээ. УИХ-ын гишүүн Д.Бум-Очир: Энэ бол зөвхөн хилийн чанад дахь монголчуудын санал өгөх боломж нөөц бололцоог нэмэгдүүлэх тухай асуудал биш. Цаашлаад дэлхий нийт цахим хөгжил рүү явж байна. Бид жил ирэх тусам сонгуулийнхаа ирцийг нэмэгдүүлэх шаардлага тулна. Сонгогчид маань илүү залуужиж байна. Шинэ залуу үеийнхэн маань цахим орчинд илүү их ажилладаг. Илүү их цаг өнгөрөөдөг ийм эрин үе бидэнд тулаад ирчихсэн байгаа. Бид нүүдлийн соёл иргэншлийн түүхтэй ийм ард түмэн. Малчин иргэд хэчнээн байгаа билээ. Хөдөө мал дээрээ байгаад саналаа өгч чаддаггүй иргэд хэд байгаа билээ гээд ингээд бодоод үзвэл яах вэ?Ер нь бол сонгуулийн санал өгөх арга технологийг улам олон болгох шаардлагатай байгаа. Хэлсэнчлэн нэг нь цахим нөгөөдөх нь магадгүй шуудан байж болох юм. Цаашлаад сонгуулийн санал авах байрны тоог нэмэгдүүлэх гэх мэт олонгарц гаргалгаануудыг бид нар судалж үзэж боломжтойг нь хэрэглээнд нэвтрүүлэх шаардлагатай. Энэ нь сонгуулийн ирцийг нэмэгдүүлэх, нийгэм, улс төрийнхөө асуудалд оролцох, иргэдийнхээ оролцоог нэмэгдүүлэх ийм чухал ач холбогдолтой асуудал юм. Мэдээж үүнийг хамгаалах, сэргийлэх гээд олон зүйл гарч ирнэ. Үүнийгээ тооцож бодолцож судалж үзэхээс өөр аргагүй. Нөгөө талдаа бид цахим үндэстэн гээд бодлого дэвшүүлээд төлөвлөгөө гаргаад явж байгаа. Үнэхээр сонгуулийн саналыг цахимаар авдаг болно. Ялангуяа эхний ээлжид туршилтын байдлаар хилийн чанадад байгаа монголчуудаа цахимаар саналыг нь өгүүлнэ гэж үзвэл. Миний ойлгож байгаагаар манай улсад хэрэгжиж байгаа үндэсний цахим системд тэд нарыг холбох том алхмууд, ажлууд хийгдэх бүр нарийн ярих юм бол сонгуулиар санал өгдөггүй юм аа гэхэд манайулсад хэрэгжиж байгаа үндэсний хэмжээний цахим системүүдэд том ахиц дэвшил гарах ийм олон давуу талтай гэдгийг бид бас харах юм. Заавал сонгууль ярьдаггүй юм аа гэхэд зүгээр цахим хөгжлөө харахад нэг том алхам урагшлах иймач холбогдолтой үйл ажиллагаа байгаа гэдгийг онцлон дурдмаар байна. Тэгээд энэ ажлыг дэмжиж та бүхэн өнөөдөр санал бодлоо хуваалцаж мэдээллээр хангасан та бүхэнд баярлалаа.
2025-01-14
УИХ-ын нэгдсэн чуулганаар Боловсролын тухай хуульд нэмэлт, өөрчлөлт оруулах тухай хуулийн төслийн үзэл баримтлалыг хэлэлцэх эсэхийг хэлэлцлээ. Хуулийн төслийг УИХ-ын гишүүн Ж.Ганбаатар, Б.Батзориг, Д.Лүндээжанцан, Д.Оюунхорол, Б.Саранчимэг, Д.Тогтохсүрэн, А.Ундраа, Ц.Цогзолмаа, Ж.Энхбаяр нар 2018 оны 11 сарын 21-ний өдөр УИХ-д өргөн мэдүүлсэн. УИХ-аас 2018 оны 06 дугаар сарын 21-ний өдөр баталсан Боловсролын тухай хуульд нэмэлт, өөрчлөлт оруулах тухай хуулиар сум, дүүргийн Засаг дарга тухайн нутаг дэвсгэрт үйл ажиллагаа явуулдаг төрийн болон орон нутгийн өмчийн ерөнхий боловсролын сургууль, цэцэрлэгийн удирдлагыг томилж, чөлөөлөх эрхтэй болсон бөгөөд уг зохицуулалтыг 2019 оны 06 дугаар сарын 01-ний өдрөөс эхлэн дагаж мөрдөхөөр болсон. Дээрх хуулийн өөрчлөлтийг 2019 оны 06 дугаар сарын 01-ний өдрөөс эхлэн дагаж мөрдөхөд бэлтгэл ажлыг хангах шаардлагатай байгаагийн зэрэгцээ шинэчлэн баталсан бусад хуультай хэрхэн уялдах талаар зайлшгүй эргэж харах шаардлага хэмээн үзэж үзсэн юм. УИХ-ын гишүүн Л.Мөнхбаатар Хуульд 2018 оны 6 сарын 21 нд өөрчлөлт оруулж, Аймгийн засаг дарга нь ЕБС-ийн захирал, цэцэрлэгийн эрхлэгч нарыг томилдог байсныг сум, дүүргийнхэн засаг дарга болохоор баталсан. Гэтэл гишүүд өнөөдөр энэ хуулийн хэрэгжих хугацааг хойшлуулахаар гишүүд оруулж ирж байгаа юм байна. Үүнийг би зарчмын хувьд дэмжихгүй байна. Бид ер нь Боловсролын асуудалд хандахдаа аль нэг аймаг, нийслэлийн улс төрийн нөхцөлд байдлаас хамаарсан байдлаар хандахаас илүү Үндсэн хуулийн үзэл баримтлалд нийцсэн байх ёстой.
2019-01-18
Өнөөдөр /2018.04.27/ УИХ-ын нэгдсэн чуулганаар Боловсролын тухай хуульд нэмэлт, өөрчлөлт оруулах тухай, Бага дунд боловсролын тухай хуульд нэмэлт оруулах тухай хуулийн төслийн үзэл баримтлалыг хэлэлцэх эсэх тухай асуудлыг хэлэлцэж байна. 2012 онд Боловсролын тухай хуульд оруулсан өөрчлөлтөөр урьд нь сум, дүүргийн Засаг дарга нь ерөнхий боловсролын сургуулийн захирал, хүүхдийн цэцэрлэгийн эрхлэгчийг томилж, чөлөөлж байсныг өөрчилж, эдгээр албан тушаалтныг аймаг, нийслэлийн Засаг дарга томилж, чөлөөлөх, тэдэнтэй үр дүнгийн гэрээ байгуулахаар заасан. Харин төсөл санаачлагч гишүүд хуучин тогтолцоо нь бодитой зохицуулалт гэж үзэж байгаа аж. УИХ-ын гишүүн Л.Мөнхбаатар: Аймгийн засаг дарга нар сумдын сургууль, цэцэрлэгийн захирлыг томилж байгаа. Энэ бол зохимжгүй. Сумын удирдлагын эрх мэдлийг нэмэгдүүлэх шаардлагатай.Төсөв мөнгө, боловсон хүчний асуудлыг тухайн сум орон нутаг нь шийдээд явах ёстой гэж харж байгаа. Нийт сумын 51 хувь нь 3000 аас доош хүн амтай 30 орчим хувь нь 3000 аас дээш, 18 хувь нь 5000 аас дээш хүн амтай сум байгаа. Одоогийн байдлаар сум орон нутгийн төсөв хүнд, өмч хөрөнгө байхгүй. Ихэнх нь аймгийн харьяалалд байдаг. Тамгийн газрын ажилтан мэргэжилтэнүүд нь босоо удирдлагатай. Ийм тогтолцоотой аймаг сжмын удирдлага юу хийх вэ? Өргөн хүрээ, агуулгаар нь энэ хуулийн төслийг дэмжиж байгаа.
2018-04-27
Өнөөдөр /2018.04.27/ УИХ-ын нэгдсэн чуулганаар Боловсролын тухай хуульд нэмэлт, өөрчлөлт оруулах тухай, Бага дунд боловсролын тухай хуульд нэмэлт оруулах тухай хуулийн төслийн үзэл баримтлалыг хэлэлцэх эсэх тухай асуудлыг хэлэлцэж байна. 2012 онд Боловсролын тухай хуульд оруулсан өөрчлөлтөөр урьд нь сум, дүүргийн Засаг дарга нь ерөнхий боловсролын сургуулийн захирал, хүүхдийн цэцэрлэгийн эрхлэгчийг томилж, чөлөөлж байсныг өөрчилж, эдгээр албан тушаалтныг аймаг, нийслэлийн Засаг дарга томилж, чөлөөлөх, тэдэнтэй үр дүнгийн гэрээ байгуулахаар заасан. Харин төсөл санаачлагч гишүүд хуучин тогтолцоо нь бодитой зохицуулалт гэж үзэж байгаа аж. УИХ-ын гишүүн Д.Тэрбишдагва: Эрх мэдлийг орон нутагт шилжүүлэх асуудал чухал. Ганц боловсролоор тогтохгүй. Хөдөө орон нутагт ажиллаж байгаа хүмүүс босоо тогтолцоотой. Засгийн газар, Их хурлаас орон нутгийн удирдлагыг иж бүрнээр нь ярих цаг болсон. Үүнтэй санал нэг байгаа. Харин нэг салбарын асуудлыг ганц, ганцаар нь оруулж ирэх нь буруу. Орон нутгууд өөр өөрийн онцлогоороо хөгжих хэрэгтэй. УИХ-ын гишүүд хуулиа санаачилж ажиллах ёстой. Дүүрэг, сумын засаг дарга шиг гишүүд ажиллаад байгаа. Яамдууд орон нутагт мэргэжлийн удирдлагаар хангах хэрэгтэй.Орон нутгийн асуудлыг иж бүрнээр нь ярих хэрэгтэй.
Өнөөдөр /2018.04.27/ УИХ-ын нэгдсэн чуулганаар Боловсролын тухай хуульд нэмэлт, өөрчлөлт оруулах тухай, Бага дунд боловсролын тухай хуульд нэмэлт оруулах тухай хуулийн төслийн үзэл баримтлалыг хэлэлцэх эсэх тухай асуудлыг хэлэлцэж байна. 2012 онд Боловсролын тухай хуульд оруулсан өөрчлөлтөөр урьд нь сум, дүүргийн Засаг дарга нь ерөнхий боловсролын сургуулийн захирал, хүүхдийн цэцэрлэгийн эрхлэгчийг томилж, чөлөөлж байсныг өөрчилж, эдгээр албан тушаалтныг аймаг, нийслэлийн Засаг дарга томилж, чөлөөлөх, тэдэнтэй үр дүнгийн гэрээ байгуулахаар заасан. Харин төсөл санаачлагч гишүүд хуучин тогтолцоо нь бодитой зохицуулалт гэж үзэж байгаа аж. УИХ-ын гишүүн Ё.Баатарбилэг: Төрийн албаны зарим нэг алдаатай асуудал ингэж харагдаж байгаа юм. Улс төрчдөөр томилгоо хийлгэхгүй гээд байна. Тэгээд хэн хийх вэ? Хэн нэгэн томилгоо хийнэ. Төрийн албаны хууль гэж батлагдсан. Хуулийнхаа дагуу томилгоо явагдана. 2003 он хүртэл яваад ирсэн тогтолцоо. Цаашдаа нийслэлийг аймагтай, аймгийг сумтай харьцуулж болохгүй. Орж ирж байгаа 2 асуудал байгаа. Нэг нь түрээс,нэг ньтомилгоо. Үүнтэй холбоотой Байнгын хороон дээр яригдсан. Тодорхой нэг хувь хүнээс болж бүхэл бүтэн 330 сумтай холбоотой асуудлыг харлуулж болохгүй. Босоо тогтолцоогоор явж байсан. Тэр үед нь хэвтээ тогтолцоо байх байсан гээд ярьж байсан. Энэ асуудлыг байнгын хороон дээр яриад явчих боломжтой асуудал гэж харж байна.
