Энэхүү тогтоолын төсөл нь олон талт хэлэлцүүлэг, тооцоолол дээр үндэслэн боловсруулагдсан бөгөөд нийслэл болон хот суурин газрын агаарын бохирдлыг бууруулах, иргэдийн эрүүл амьдрах орчныг бүрдүүлэх, ногоон санхүүжилтийн тогтолцоог төрийн бодлогод тусгах зорилготой юм. Агаарын бохирдлыг бууруулахад хамгийн чухал хүчин зүйлсийн нэг нь гэр, байшингийн дулаан алдагдлыг бууруулах, өөрөөр хэлбэл дулаалга сайтай, дулааны алдагдал багатай сууцанд амьдрах явдал юм. Энэхүү тогтоол батлагдсанаар иргэд гэр, байшингаа дулаалах, цахилгаан болон сэргээгдэх эрчим хүчээр халаалтын зардлаа бууруулах боломжтой боллоо. Ялангуяа хүүгийн татаастай хөнгөлөлттэй зээлд хамрагдах замаар дулаалгын хөрөнгө оруулалт хийх нь одооноос эхлэн орон сууц худалдан авсантай адил татварын хөнгөлөлт эдлэх боломжтой болж байна.
Мөн эрчим хүчний хэмнэлттэй, “BestGER” шалгуур хангасан амины орон сууцаа худалдах үед үл хөдлөх эд хөрөнгөд ногдох албан татварыг 50 хүртэл хувиар бууруулах, эрчим хүчний хэмнэлт бий болгодог төрөл бүрийн дулаалгын болон халаалтын хэрэгслүүдийг хөнгөлөлттэй зээлээр худалдан авах боломж нээгдсэн нь иргэдийн агаарын бохирдлыг бууруулахад хувь нэмрээ оруулах идэвхийг нэмэгдүүлнэ хэмээн тооцоолж байна. Ажлын хэсгийн хийсэн судалгаа тооцооллоор нийслэлийн гэр хорооллын бүх орон сууц, байшинг стандартын дагуу дулаалж чадвал 2028 он гэхэд Улаанбаатар хотын агаарын бохирдлыг 50 хувиар, 2032 он гэхэд 80 хүртэл хувиар бууруулах бүрэн боломжтой гэсэн үр дүн гарсан. Энэ үндэслэл дээр тулгуурлан энэхүү тогтоолын төсөл боловсруулагдаж, ийнхүү батлагдсан нь томоохон ахиц юм.
Тогтоолын хүрээнд мөн дараах бодлогын арга хэмжээнүүд тусгагдсан. Үүнд:
Тогтоолд заасан ажлын хэрэгжилтийн явц, үр дүнг жил бүрийн нэгдүгээр улиралд Улсын Их Хурлын холбогдох байнгын хороодод танилцуулж байх үүргийг Засгийн газар болон Монголбанк хүлээсэн бол хяналтыг Байгаль орчин, хүнс, хөдөө аж ахуйн болон Эдийн засгийн байнгын хороод хариуцахаар тусгалаа.
Эх сурвалж:
