ТББХ: Монгол Улсын 2026 оны төсвийн тухай хуульд өөрчлөлт оруулах тухай хуулийн төслийн гурав дахь хэлэлцүүлгийг хийв

Төрийн байгуулалтын байнгын хорооны /2026.10.01/-ийн хуралдааны эхэнд  Монгол Улсын нэгдсэн төсвийн 2026 оны төсвийн хүрээний мэдэгдэл, 2027-2028 оны төсвийн төсөөллийн тухай хуульд өөрчлөлт оруулах тухай хуулийн төслийн хоёр дахь хэлэлцүүлгийг хийж санал, дүгнэлтийг Төсвийн болон Эдийн засгийн байнгын хороонд хүргүүлэхээр болов. 

Үүний дараа Монгол Улсын 2026 оны төсвийн тухай хуульд өөрчлөлт оруулах тухай хуулийн төсөл болон хамт өргөн мэдүүлсэн хуулийн төслүүдийн гурав дахь хэлэлцүүлгийг явууллаа.

Төсвийн тодотголоор ахмадуудын тэтгэвэр нэмэх, төрийн албан хаагчдын цалингийн нэмэгдэл,  стратегийн бүтээгдэхүүний нөөц бүрдүүлэх зэрэг нийгэм, эдийн засгийн гол асуудлуудыг шийдвэрлэхээр тусгасан талаар сангийн сайд З.Мэндсайхан танилцуулгадаа дурдсан.

Байнгын хорооны гишүүд зарчмын зөрүүтэй гурван саналаар санал хураалт явуулж, байнгын хорооны санал дүгнэлтийг Төсвийн байнгын хороонд хүргүүлэхээр тогтсоноор хуралдаан өндөрлөлөө.