Эрхэм хүндэт ахмадууддаа олон улсын ахмадын өдрийн мэндийг дэвшүүлье

Хүн төрөлхтөний хөгжил дэвшлийн хоёр тулгуур баганын нэг нь мэдлэг, нөгөө нь туршлага байдаг. Мэдлэг гэдэг баганыг бүтээдэг гол хүчин зүйл нь залуу болон дунд үе, харин туршлага гэдэг баганыг ахмадууд авч явдаг. Тиймээс ахмад настны тулгамдсан асуудлыг шийдвэрлэх, төрөөс баримтлах бодлого, түүний үр дүнг сайжруулахад ахмад настны оролцоог нэмэгдүүлэх зорилго бүхий дэмжих бүлэг УИХ-ын дэргэд байгуулагдан ажиллаж байна.

Дэлхий дээр ахмад настны эзэлж буй орон зай жилээс жилд тэлж байна. Хүн төрөлхтний амьдралын чанар сайжирч, эрүүл мэнддээ анхаарахын хэрээр насжилт нэмэгдэж байна.

ДЭМБ-аас 65-74 насны хүмүүсийг "Залуу ахмадууд", 75-85 настнуудыг "Дундаж насны ахмадууд", 85-аас дээшхийг ахмадууд гэж үздэг.

Монгол Улсад тэтгэвэр авдаг иргэд 420 мянга давж, хүн амын дунд эзлэх хувь 10 даваад байна. Эдгээр иргэдийнхээ эрүүл аюулгүй, амар тайван орчинд амьдрах, авсан тэтгэвэр тэтгэмж нь амьдралд нь хүрэлцээтэй байх хууль эрх зүйн орчныг сайжруулахад ахмад гишүүний хувьд анхаарч ажиллаж байна.

Амьдралын арвин туршлага, мэдлэг боловсролоо ирээдүй хойч, залуу үедээ өвлүүлэн яваа ахмад буурлууддаа чин сэтгэлийн баярын мэндийг хүргэе.

Та бүхэндээ эрүүл энх, сайн сайхныг хүсэн ерөөе.