Улаанбаатар хотын хийдүүд ҮЦХ-д мод тарилаа

"Алтан намар - мод тарих улирал" аяны хүрээнд Монголын Бурхан шашинтны төв Гандантэгчэнлин хийд болон Улаанбаатар хотод байрлах бусад хийдүүд хамтран Үндэсний цэцэрлэгт хүрээлэнд /2026.10.11/ мод тарилаа.

Монголын Бурхан шашинтны төв Гандантэгчэнлин хийдийн Тэргүүн их хамба лам Д.Жавзандорж:

“Бид байгаль дэлхийнхээ ач тусыг хүртэж амьдардаг учраас эргээд ачийг нь хариулах учиртай. Бусдын сайн сайхны төлөө чин сэтгэлээсээ мод тарьж, арчлан ургуулах, гар бие оролцох боломжгүй ч сэтгэлээрээ дэмжих нь буянтай үйл юм. Ийнхүү сайхан сэтгэлээр тарьж ургуулсан модод олон хүнд үр шимээ өгнө” хэмээн уриаллаа.

Намрын бүх нийтээр мод тарих аян улс даяар  үргэлжилж байна.

Тус арга хэмжээнд Монгол Улсын Ерөнхийлөгчийн Байгаль орчин, ногоон хөгжлийн бодлогын зөвлөх Ж.Сандагсүрэн, Монголын Бурханы шашинтны төв Гандантэгчэнлин хийд болон Улаанбаатар хотын бусад хийд, Үндэсний цэцэрлэгт хүрээлэн, “Тэрбум мод хөдөлгөөн” ТББ-ын төлөөлөл оролцлоо.