Б.Мөнхсоёл: Нийгмийн бүхий л салбарын шийдвэр гаргах түвшинд эмэгтэйчүүдийн оролцоог нэмэгдүүлэх ёстой

Дэлхийн эмэгтэй парламентчдын чуулга уулзалт “Шийдвэр гаргах үйл явцад төлөөллөөс нөлөөлөлд” сэдвийн хүрээнд хоёр өдрийн турш үргэлжиллээ.

УИХ-ын гишүүн Б.Мөнхсоёл:

Зөвхөн Монгол Улсад биш дэлхийн бүхий л улсад хүйсийн тэгш байдлын талаар буюу жендэрийн тэгш боломжийн талаарх асуудал хөндөгдсөөр ирсэн. Энэ нь шийдвэр гаргах, улс төрийн оролцооны түвшинд яригддаг.

Хүн амын 50-аас илүү хувь нь эмэгтэйчүүд. Бид хүүхэд, гэр бүлтэйгээ илүү ойр байдаг бөгөөд нөлөөлөх чадвар өндөр. Хамгийн чухал нь хүйсийн тэгш байдал яагаад хөндөгдөж байна вэ гэхээр улс төр сонгуулийн оролцоонд тэгш боломж нь алдагдсан. Санхүү мөнгө, нийгэм дэх хэвшмэл ойлголтын гээд олон саад даваа байдаг тул энэ асуудал хөндөгдсөөр байгаа юм. Түүнээс биш аль нэг хүйсийг илүүд үзэхийн тухай биш. Уг хурлаас гарсан зөвлөмжийг хамтдаа хэрэгжүүлэхийн төлөө тууштай ажиллана.