Д.Үүрийнтуяа: Эмэгтэйчүүдийн эдийн засгийн манлайллыг дэмжих нь хөгжлийн бодлогын чухал асуудал

УИХ-ын даргын ажлын алба, Санхүү, банкны салбарын эмэгтэйчүүдийн холбооноос хамтран зохион байгуулсан “Тогтвортой, ногоон, хүртээмжтэй хөгжилд эмэгтэйчүүдийн манлайлал” чуулганд УИХ-ын гишүүн Д.Үүрийнтуяа “Эдийн засаг дахь эмэгтэйчүүдийн манлайлал” сэдвээр илтгэл тавьж оролцлоо. 

Илтгэлдээ эмэгтэйчүүдийн эдийн засгийн оролцоог зөвхөн ажил эрхлэлт, бизнес эрхлэлтийн тоогоор бус, бизнесийн өсөлт, ажлын байр, экспорт, хөрөнгө оруулалт, компанийн засаглал, капиталын шийдвэр гаргалтад оролцох эрх мэдлээр хэмжих шаардлагатайг онцоллоо.

Мөн зээлээс капитал руу, жижиг бизнесээс өсөлтийн бизнес рүү, оролцооноос эдийн засгийн эрх мэдэл рүү чиглэсэн бодлогын шилжилт хийж, тодорхой зорилт, хэмжигдэхүйц үзүүлэлтээр үр дүнг үнэлэх шаардлагатайг тэмдэглэлээ.

Эмэгтэйчүүдийн эдийн засгийн манлайллыг дэмжих нь зөвхөн жендэрийн асуудал биш Монгол Улсын эдийн засгийн өсөлт, бүтээмж, өрсөлдөх чадварыг нэмэгдүүлэх хөгжлийн бодлогын чухал асуудал юм.