Б.Жаргалан: Оюутолгойн ногдол ашгийг хуулийн дагуу Хуримтлалын санд бүрэн төвлөрүүлэх ёстой

Төвсийн байнгын хорооны өнөөдөр /2026.10.14/-ийн хуралдаан дээр Оюутолгойн ногдол ашгийн асуудлыг хэлэлцлээ.

Хэлэлцэж буй асуудлаар УИХ-ын гишүүн Б.Жаргалан дараах байр суурийг илэрхийлэв.

Засгийн газар 2027 онд Оюутолгойгоос авах 3 их наяд төгрөгийн ногдол ашгийн 2 их наядыг төсвийн хөрөнгө оруулалтад зарцуулахаар УИХ-д өргөн мэдүүлсэн төсвийн төсөлдөө тусгасан. Гэтэл Үндэсний баялгийн сангийн тухай хуулиар энэ мөнгийг Хуримтлалын сангийн иргэдийн нэрийн дансанд төвлөрүүлэхээр зохицуулсан байдаг.

Бас нэг сонин зүйл нь Засгийн газар 2 их наядыг зарцуулна гэж төсвийн төсөлдөө аль хэдийн тусгачихсан атлаа өнөөдөр ногдол ашгийг хэрхэн зарцуулах талаар иргэдээс санал асуулга явуулж байна. Тэр санал асуулгынх нь асуулт, хариултын сонголтууд ч тун ойлгомжгүй, хөтөлсөн шинжтэй.

Иргэдээс санал авах гэж байгаа бол төсвөө өргөн мэдүүлэхээс өмнө асуух ёстой байсан юм биш үү? Одоо санал асуулгын дүнгээр төсвөө өөрчлөх юм уу, эсвэл иргэд ЗГ-ын төслийг дэмжиж санал өглөө гэж УИХ-ын шийдвэрт нөлөөлөх гэж байгаа юм уу?

Миний байр суурь бол маш тодорхой. Оюутолгойн ногдол ашгийг Үндэсний баялгийн сангийн тухай хуулийн дагуу Хуримтлалын санд бүрэн төвлөрүүлэх ёстой.