Харааны бэрхшээлтэй хүмүүсийн Цагаан таягтны өдөр тохиож байна

Тэдний эрхийг хамгаалах энэ өдөр УИХ-ын гишүүн О.Саранчулуун харааны бэрхшээлтэй хүүхдүүдийн суралцдаг 116-р сургууль дээр ажиллалаа.

Тус сургууль нь түүхий эдээ хангавал брайл хэвлэлээ өөрсдөө хийдэг, улсын бусад сургуульд нийлүүлэх боломжтой байна. Мөн 60 гаруй жил болж байгаа сургуулиа тордож авч явж, дотуур байраа хүртэл сургуульдаа багтаан шийдэж өөрсдийн боломжоороо сургуулийнхаа үйл ажиллагааг тасалдуулахгүй явуулж байна.

2026 оны төгсөгчдөөс СУИС, МУБИС, МҮИС зэрэг сургуульд, 1 төгсөгч БНСУ-д хамтын ажиллагааны хүрээнд суралцаж байна.

Уулзалтын үеэр сургуулийн шинэ байр, дотуур байр, тоног төхөөрөмж, багш нарын ур чадварыг улам сайжруулах, шаардлагатай нөөц материалын талаар мэдээлэл солилцлоо. Нэн шаардлагатай төсвийг 2027 оны төсөвт тусгуулахаар ажиллана гэдгээ О.Саранчулуун гишүүн илэрхийлсэн юм.

Хүүхэд бүр өөрийн хүсэл мөрөөдлөө биелүүлж, чанартай боловсрол эзэмшин, нийгмийн амьдралд тэгш оролцох боломжтой байх ёстой.