Өчигдөр /2026.10.15/ УИХ дахь Ардчилсан намын бүлгээс Оюутолгойн ногдол хувь тооцох асуудалтай холбогдуулан мэдэгдэл хийлээ.

УИХ-ын гишүүн Ш.Бямбасүрэн:

Монголын тал Оюутолгойгоос өөрийн эзэмшлийн 34%-д ногдох ирээдүйн ногдол ашгаас тооцон, урьдчилж мөнгө аваад иргэддээ тараая гэж байна. Ногдол ашиг хүртэх нь буруу биш, харин бид урьдчилж авч байгаа бол Риотинто ч өөрийн эзэмшлийн 66%-д ногдох ногдол ашгаас урьдчилж авна гэнэ.

Манай улс 3.0 их наяд төгрөг авна гэж тооцвол тэд 5.8 их наяд төгрөг авна гэнэ. Нийт 8.8 их наяд төгрөгийг Оюутолгой хэрхэн гаргах гэж байна вэ? Үйл ажиллагааны ашгаас хуваарилах уу? эсвэл зээл тавьж энэ мөнгийг гаргах гэж байна уу? Тэд яаж өгөх нь хамаагүй, бид авах ёстой гэж хандаад эцэст нь Риотинтогийн хавханд орчихвол тэрнээсээ доор юм болно. 3 их наяд төгрөг аваад 1 их наяд төгрөгийг нь Ирээдүйн өв санд, 2 их наяд төгрөгөөр нь 2027 оны төсвийг санхүүжүүлнэ гэж төлөвлөж байна. Үүний оронд төсвөө ингэж их тэлж оруулж ирэхгүй байж болоогүй юу гэдэг асуулт гарч ирнэ. Засгийн газар энэ 2 их наяд төгрөгөөр боловсрол, эрчим хүчний төслүүдийг санхүүжүүлнэ гэж байгаа боловч үнэндээ бол төсвийн алдагдлыг нөхнө л гэсэн үг.

Ш.Бямбасүрэн: Засгийн газар Оюутолгойн ногдол ашгаар гол төслүүдийг санхүүжүүлнэ гэх боловч үнэндээ төсвийн алдагдлыг нөхөж таарах нь