Архангай аймагт 22 МВт-ын Дулааны цахилгаан станцын бүтээн байгуулалт эхэллээ

Архангай аймгийн Цэцэрлэг хотын эрчим хүчний хангамжийг сайжруулж, орон нутгийн хөгжлийн шинэ боломжийг нээх 22 МВт-ын хүчин чадалтай дулааны цахилгаан станцын барилгын ажлыг эхлүүллээ.

Тус станц нь жилд дунджаар 138.6 сая кВт.ц цахилгаан, 67,130 Гкал дулааны эрчим хүч үйлдвэрлэж, айл өрх, сургууль, цэцэрлэг, эмнэлэг болон бусад байгууллагыг найдвартай эрчим хүчээр хангах боломж бүрдүүлнэ.

Инженер, техникийн чиглэлээр 90 байнгын ажлын байр шинээр бий болгоно.

Цэцэрлэг хотын эрчим хүчний найдвартай хангамж бол орон сууцжилт, үйлдвэрлэл, үйлчилгээ болон орон нутгийн эдийн засгийн өсөлтийн үндэс юм.