Байнгын хороодын хуралдаанаар Монгол Улсын Их Хурлын тухай болон Дэгийн тухай хуульд нэмэлт, өөрчлөлт оруулах хуулийн төслийг хэлэлцэж байна.

УИХ-ын гишүүн Х.Тэмүүжин /2026.10.16/ дараах байр суурийг илэрхийлэв.

Улсын Их Хурлын даргыг сонгохдоо "нийт" гишүүдийн олонхоор явъя гэж би бичсэн. Та нар одоо байгаагаараа явъя гэсэн. Буулт хийгээд, хоорондоо тохиръё гэхэд чинь "нийт" гэдэг үгийг хассан. Гэтэл Ж.Батжаргал, Б.Жавхлан нар энэ заалтыг бүтнээр нь хасах гэж оролдсон. Тийм учраас би зарчмын зөрүүтэй санал гаргаж анхны төслөө оруулж ирж, хамгаалж байна.

Энийг яахаа та нар өөрсдөө мэд. Та нарын өөрсдийн асуудал шүү дээ.

Монгол Улсын Үндсэн хууль дээр Улсын Их хурлын даргыг хэн нэр дэвшүүлж, яаж сонгох вэ гэдэг зохицуулалт байгаа. Үндсэн хууль дээр их хурлын гишүүд дотроосоо дэвшүүлж, сонгоно гэж байгаа. Олонхын бүлэг сонгоно гэж үг ерөөсөө байхгүй.

Гадаад улсын парламентын гишүүд ямар ч уулзалт, хуралтай байсан санал хураалт эхлэхэд түүнийгээ хаяад гардаг. Манайд бол чуулганы ирцээр яваад байгаа. Өөрөө байхгүй бол "дэмжээгүй" гэж бүртгэгддэг. Санал өгөх идэвхитэй илрэх гэдэг зарчим алга болчихоод байна.
Яг энэ байдлаас шалтгаалаад Ерөнхийлөгч "Улсын Их Хурлын гишүүнийг эгүүлэн татах" хууль өргөн барьсан.
Одоо бид гишүүн төлөөллөө хэрэгжүүлхээс гадна шийдвэр гаргалтанд оролцож байна гэдгийг парламент өөрөө хэмждэг хэмжүүртэй болсон гэдэг тайлбартай байх ёстой.
Мөн иргэдэд, яг энэ хүн шийдвэр гаргалтад оролцдог юм уу гэдгийг ил тод харуулах хамгийн гол төсөл чинь энэ.

Х.Тэмүүжин: УИХ-ын даргыг олонхын бүлэг бус УИХ дотроосоо дэвшүүлнэ гэсэн ҮХ-ийн заалттай!