"Зээлийн батлан даалтын сан" Баруун бүсийн салбараа Ховд аймагт байгууллаа

Баялаг бүтээгчдийг дэмжих зорилгоор "Зээлийн батлан даалтын сан" нь 2013 онд байгуулсан. Үйл ажиллагаагаа иргэдэд ойртуулах үүднээс бүсийн аймгуудад салбараа байгуулаад байна. Баруун бүсийн салбарын Ховд аймагт байгуулж өнөөдөр /2026.10.17/ нээлтийн ёслолын зохион байгууллаа.

Нээлтэд УИХ-ын гишүүн, Сангийн сайд Загджавын Мэндсайхан оролцож амжилт хүслээ. Мөн тус сангийн удирдлагууд, банкнуудын орон нутгийн салбарын захирал, иргэдийн төлөөлөл оролцов.

Зээлийн батлан даалтын сан нь:

• Жижиг, дунд бизнес эрхлэгчдэд 60 хүртэлх хувийн, “Шинэ хоршоо” хөдөлгөөний малчдад 100 хүртэлх хувийн батлан даалт гарган ажилладаг байна. Мөн

• Банк, санхүүгийн байгууллагаас бизнестээ зориулан эргэлтийн болон хөрөнгө оруулалтын зээл авахыг хүссэн боловч барьцаа хөрөнгө хүрэлцэхгүй байгаа жижиг дунд үйлдвэр, үйлчилгээ эрхлэгчдийн зээлийн 60 хүртэл хувьд,

• Иргэдийн орон сууцны Ипотекийн зээлийн урьдчилгаа төлбөрийн 60 хүртэл хувийн батлан даалт гаргадаг байна.

Зээлийн батлан даалтын сан нь өнөөдрийн байдлаар нийт 770 орчим тэрбум төгрөгийн зээлд 380 орчим тэрбумд нь батлан даалт гарган ажиллаж байна. Батлан даалт гаргасан иргэн, аж ахуйн нэгүүдийн 70 орчим хувь нь Улаанбаатар хотод 30 орчим хувь нь орон нутагт байгаагийн 18 хувь нь баруун бүсэд байна.

"Зээлийн батлан даалтын сан"-гийн баруун бүсийн салбарын захирлаар Т.Заяа ажиллана. Үүнээс гадна гурван хүн ажлын байртай болж байна.

Хамгийн гол нь жижиг, дунд үйлдвэрлэл, бизнес эрхлэгчдийг дэмжих, залуу гэр бүлүүдийн ипотекийн зээлийг батлан даах зэрэг үйлчилгээ орон нутгийн иргэдэд илүү ойртож байгаа нь сайшаалтай.